LUKAS 7:47 - KITTA' MATANGKASA'

⁴⁷ Sitojeng-tojenna, lanri lompo kammana pangngamaseanna ri Nakke, na ma'nassamo angkanaya nipammopporammi dosa-dosana sannaka jaina. Punna sike'de'ji nipammopporangangi dosana taua, sike'de' tonji pangngamaseanna.”

LUKAS 7:47 Referans Kwoze

1 YOHANES 4:19

Mangngamaseangki', lanri Allata'ala la'bi riolo angkamaseangki'.

1 YOHANES 3:18

Sikamma ana'-anakku! Teako ri bawanuji yareka ri bicarannuji bawang mangngamaseang. Mingka paralluki' mangngamaseang tojeng-tojeng, siagang nipa'butti lalang ri panggaukanta.

YESAYA 1:18

Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

ROMA 5:20

KalenNa Allata'ala ampassareangi hukkung-hukkung agama Yahudia. Mingka pila' usahai rupataua anggaukangi anjo hukkung-hukkunga, pila' nadakkaimi anjo hukkung-hukkunga siagang pila' dorakami mae ri Allata'ala. Mingka pila' a'gau' dosana rupataua, pila' nikamaseang tommi ke'nanga ri Allata'ala.

EFESUS 6:24

Poro Nabarakkaki ngasengko Allata'ala, ikau mangngamaseanga mae ri Batarata Isa Almasi, iamintu pangngamaseang tenaya nammari-mari rinrana. Sallangku, Paulus

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

1 YOHANES 5:3

Nasaba' battuanna nikanaya mangngamaseang mae ri Allata'ala, iamintu nipilangngeri sikamma parentaNa. Na anjo sikamma parentaNa tena nabattala' untu' ikatte;

1 TIMOTIUS 1:14

Mingka ba'lalo nipila'bi-la'bianga' kalammorang pangngamaseang ri Batarata. Nasarea' pakkulle untu' tappa' ri Ia, siagang pangngamaseang akkullea nipatang punna asse'reki' siagang Isa Almasi lalang ri katallassanta.

FILIPI 1:9

Iaminne pappala' doangangku untu' ikau: poro pila' mangngamaseangko ri Allata'ala siagang ri parannu tau siagang natuli katambang pangngassengannu ri katojenganga siagang kacara'dekanga,

LAMPA-LAMPANA 5:31

Siagang nisaremi ri Allata'ala empoang siagang kakoasang matinggi, a'jari Pamimping siagang Mappasalamaka; sollanna nisare kasampatang bansa Israel untu' a'jari toba' battu ri dosa-dosana na nipammopporang.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.

LUKAS 7:39

Nacini'na anjo tu Farisi patannaya balla' appakamma anjo bainea, nakanamo lalang ri nyawana, “Punna na'bi anne Taua, tantu Naassengi angkanaya baine apa anjo baine anjamayai; tantu Naassengi angkanaya anjo bainea, baine sanna' jaina dosana!”

MATIUS 10:37

Inai-nai la'bi angkamaseangi anrong manggena naiNakke, tasiratangai amminawang ri Nakke. Kammaya todong, inai-nai la'bi angkamaseangi ana'-ana' bainena yareka ana'-ana' bura'nena naiNakke, tasiratanga tongi amminawang ri Nakke.

2 KORINTUS 5:14

PangngamaseanNami Almasi makoasa mae ri kambe; nanaassemmo ikambe angkanaya punna matemo tau se'rea untu' kaparalluanna sikontu rupataua, anjo battuanna angkanaya mate ngasemmi sikontu rupataua.

MIKHA 7:19

LamangngamaseangKi' pole mae ri kambe siagang Kipammopporangi ikambe. LaKionjo'-onjokangi dosa-dosana ikambe nampa Kipasambila antama ri rawanganna tamparanga!

YEHEZKIEL 16:63

LaKupammopporangi kasalannu, mingka takkulleako angkaluppai siagang lasiri'-siriki nusa'ring akkanaya. INakke, Batara Kaminang Tinggia, anne akkana.”

LUKAS 7:46

Tena nanutumpai minynya' ulungKu, mingka anne bainea natumpaimi minynya'-minynya' bau' bangkengKu.

LUKAS 7:48

Nampa Nakana Isa ri anjo bainea, “Nipammopporammi dosa-dosanu.”