LUKAS 7:39 - KITTA' MATANGKASA'

³⁹ Nacini'na anjo tu Farisi patannaya balla' appakamma anjo bainea, nakanamo lalang ri nyawana, “Punna na'bi anne Taua, tantu Naassengi angkanaya baine apa anjo baine anjamayai; tantu Naassengi angkanaya anjo bainea, baine sanna' jaina dosana!”

LUKAS 7:39 Referans Kwoze

LUKAS 7:16

Malla' ngasemmi taua, na mammuji-muji ri Allata'ala. Nakanamo ke'nanga, “Ammumbami na'bi lompoa ri tangnga-tangngata! Nia'mi battu Allata'ala ampasalamaki umma'Na!”

LUKAS 15:2

A'moro-moromi tu Farisia siagang guru-guru agamaya. Nakanamo ke'nanga, “Pui', anne taua natarimai siagang naagangi sipangnganreang tau kodi sipaka!”

MARKUS 7:21

Nasaba' battu lalammi, iamintu battu lalang ri nyawana, ammumba ngaseng pikkirang-pikkirang kodia nakkulle taua a'gau' sala, a'lukka', ammuno,

YESAYA 65:5

Nakana ke'nanga, ‘Bellako, teako seroi ikambe, saba' ikambe anne tangkasakki' siagang tassa'lakki' battu ri kau ngaseng!’ Tena Kuparrangngi anciniki panggaukanna ke'nanga! A'rinrai larroKu mae ri ke'nanga rapang pepe' tenaya nakkulle mate.

YOHANES 9:24

Jari nakio' poleammi ke'nanga anjo tau le'baka buta, na nakana ri ia, “Assumpa mako angkanaya lanupaui kontutojenga. Naassengi ikambe angkanaya tau doraka anjo Taua.”

YOHANES 7:12

Jaimi tau ampa'bici'-bicikangi Isa. Nia'mo angkana, “Tau baji' anjo taua.” Nia' tommo angkana, “Tena! Napasala oloangi tau jaia.”

YOHANES 4:19

Nakanamo anjo bainea, “Kamma-kamma anne kuasseng maKi' angkanaya Na'biKi' padeng.

LUKAS 18:4

Salloi taeroka anjo hakinga antulungi anjo jandaya. Mingka kala'busanna appikkiri'mi anjo hakinga nakana, ‘Manna tena kumalla' ri Allata'ala, siagang tena ngaseng kujampangi taua,

LUKAS 16:3

Jari appikkiri'mi anjo pagawena ammolika doe' nakana, ‘Lanapasulukka' anjama karaengku. Jari apami parallu kugaukang kamma-kamma anne? Erokka' ammingkung anjama tana, natakukullea; lamangea' appala'-pala', nakusiri'-siri'.

LUKAS 7:37

Anjoreng ri kotaya nia' pole sitau baine sannaka jaina dosana. Ri wattunna nalangngere' anjo bainea angkanaya niaki Isa sitabang angnganre ri balla'na anjo tu Farisia, battumi angngerang sibotolo' minynya'-minynya' bau'.

LUKAS 3:8

Pappicinikammi rolong lalang ri panggaukannu, angkanaya ma'nassa toba' mako battu ri dosa-dosanu! Teako angkanai kaboe-boenu anjo Abraham. U'rangi angkanaya: Manna anne batu-batua akkulle tongi Napa'jari Allata'ala sossoranna Abraham!

PANGNGEBARANG 23:7

Saba', lanakana, “Maeko angnganre; annombongko pole,” mingka sikontutojenna tena nakamma anjo lalang ri atinna. Te'nei ri bawana, mingka atinna maraengi.

2 KARAENG-KARAENG 5:20

appikkiri'mi Gehazi, iamintu palayanna Elisa, angkana, “Eh, angngapa nanilappassang a'lampa natena na'bayara'? Musti natarima bapakku anjo passarena tubattua ri Siria! Lanri Batara mattallasaka, musti kuondangi anjo taua sollangku anggappa apa-apa battu ri ia!”

LUKAS 12:17

Appakkaramulami appikkiri' anjo tu kalumanynyanga nakana, ‘Tenamo tampa' lakupammoliki wassele'na tanaku. Apa akkalakku kamma-kamma anne?’

MATIUS 20:16

Nampa Nakanamo pole Isa, “Kamma tomminjo, tau ri boko dudua la'jari ri dallekang dudui, na tau ri dallekanga la'jari ri boko dudui.”

MATIUS 21:11

Appialimi tau jaia niaka anrurungangi Isa angkana, “Na'bi Isa, battu ri Nazaret, ri Galilea.”

LUKAS 7:38

Mangemi ammenteng ri bokoNa Isa, iamintu ri ampi' bangkenNa Isa. Angngarru'mi anjoreng, nampa nabasai bangkenNa Isa siagang je'ne' matanna. Nampa nalu'lu' nakalotori bangkenNa Isa siagang uu'na, nampa natumpai minynya'-minynya' bau'.

LUKAS 7:40

Jari Nakanamo Isa ri Simon, anjo tu Farisi patannaya balla', “Simon, Simon, nia' ero' Kupau ri kau.” Appialimi Simon nakana, “Iye' Pa' Guru, Kipaumi.”