LUKAS 7:28 - KITTA' MATANGKASA'

²⁸ Nakana pole Isa, “U'rangi angkanaya tenale'bakapi nia' tau lompoangang na Yohanes Paje'ne' ri anne linoa. Mingka inai-nai kaminang ca'di ri umma'Na Allata'ala, iami lompoangang na Yohanes Paje'ne'.”

LUKAS 7:28 Referans Kwoze

MATIUS 11:11

U'rangi laloi anne! Tenanniakka tau le'ba' nia' ri lino lompoanganga na Yohanes Paje'ne'. Mingka manna nakamma mamo, inai-nai kaminang tuna ri umma'Na Allata'ala, lalompoangangi na Yohanes.

LUKAS 9:48

Nampa Nakana ri ana'-ana' gurunNa, “Inai-nai antarimai anne anaka passabakkang iNakke, battuanna iNakkemi natarima. Na inai-nai antarimA', battuanna natarima tommi Allata'ala assuroA' battu. Nasaba' inai-nai kaminang tuna ri kau, iami kaminang la'biri'!”

LUKAS 3:16

Jari nakanamo Yohanes ri ke'nanga, “Inakke je'ne' kupake anje'nekko, mingka nia' labattu tau lompoanganga na inakke. Manna alla'gasia otere' sapatuNa tena todong kusiratang. Iami sallang lanje'nekko siagang RohNa Allata'ala siagang pepe'.

MATIUS 3:1

Anjo wattua nia'mi Yohanes Paje'ne' battu ri parang lompoa ri Yudea. Appakkaramulami akkato'ba nakana,

LUKAS 7:27

Nasaba' iaminjo Yohanes natabaya anjo kana tattulisika lalang ri Kitta' angkanaya, Nakana Allata'ala, ‘Iaminne tunisuroKu,’ ‘Kusuroa a'lampa rioloanganNu, sollanNu nasungkeang oloang!’ ”

LUKAS 7:29

Sikontu taua – kammayatompa pasingara' simaya – allangngereki Isa akkana kamma anjo; yangaseng minjo ke'nanga angkatutui apa-apa Natuntuka Allata'ala, naero' nasuro je'ne' kalenna ri Yohanes.