LUKAS 7:14 - KITTA' MATANGKASA'

¹⁴ Nampa a'reppese' Isa ri pa'bulekanna anjo tu matea nampa Nata'gala'! Ammantammi anjo pabule' tu matea. Nakanamo Isa, “E, turungka, Kusuroko ambangung!”

LUKAS 7:14 Referans Kwoze

YOHANES 5:25

Patappaki angkanaya: Lanarapiki wattunna – ba'lalo narapi'mi wattunna – nalangngere' tau matea sa'ranNa Ana'Na Allata'ala. Na inai-nai allangngereki sa'ranNa, iami lattallasa'.

YOHANES 11:25

Nakanamo Isa ri Marta, “INakkemi assarea katallassang siagang ampattallasa' poleangi tau matea. Inai-nai tappa' ri Nakke iami lattallasa', manna pole namatemo.

1 KARAENG-KARAENG 17:21

Le'baki pintallung napaopang kalenna naung ri anjo anaka, siagang appala' doang angkana, “O Batara, Allata'alaku, poro Kipattallasaki anne anaka!”

ROMA 4:17

Nasaba' kammaminne kananNa Allata'ala mae ri Abraham, “Kupa'jari mako bapa'na jaia bansa ri lino.” Kammaminjo bateNa Allata'ala assarei janji Abraham. Natappa'mo Abraham mae ri Ia. Iami Allata'ala ampattallasa' poleangai ammotere' tau matea; Ia tommi Allata'ala poro akkanayaji bawang nakkullemo Napa'jari nia' apa-apa tenaya nale'ba' nia'.

YOHANES 5:21

Anjo Manggea ampabangungi tau matea naNasare ke'nanga katallassang sitojennaya siagang mannannunganga; kammayatompa anjo Anaka assarei katallassang mannannungang tau eroka Nasare katallassang.

YESAYA 26:19

UmmatTa mateamo lattallasa' poleangi ammotere', sikamma maya'na ke'nanga lambangungi ammotere'. Tau le'bakamo nitarawang lalang ri buttaya lambangung poleangi siagang akkio' rannu. Rapang saliu' ampakkamalei buttaya, Kipattallasaki ummatTa salloamo le'ba'na mate.

PAMMUJI 33:9

Saba' akkanaji bawang, na'jarimo yangasenna; ammarentaji bawang, nania'mo yangasenna.

AYUB 14:14

Saba', punna mate taua, maka akkullei attallasa' ammotere'? Allo pila' allo attayanga' sa'genna allalomo wattu pa'risikku.

AYUB 14:12

kamma tomminjo tau mateamo; tenamo nakkulle ambangung poleang. Tenamo nalambangung lalang nia'na ija langika, tenamo nale'ba' ambangung poleang battu ri tinrona.

EFESUS 5:12

Nasaba' anjo gau' cokko-cokkona ke'nanga, poro nibicara bawang nappakasiri'-siri'mo.)

1 KARAENG-KARAENG 17:22

Napilangngerimi Batara pappala'na Elia; appakkaramulami a'mai' siagang attallasa' poleang anjo anaka.

MARKUS 5:41

Nata'gala'mi Isa limanna anjo anaka, nampa Nakana ri ia, “Talita kum,” battuanna, “E ana' baine, Kukana ri kau: ambangungko!”

LUKAS 7:13

Tu'guru'mi pangngamaseanNa Isa anciniki anjo jandaya. Nakanamo ri ia, “Teaki' angngarruki bu'!”

LUKAS 7:15

Ambangummi ammempo anjo turungka le'bakamo mate, nappakkaramulamo a'bicara. Nampa Napassareang Isa anjo ana' bura'nea mae ri amma'na.

LUKAS 7:17

Tassiara'mi anne kabara'Na Isa ri sikontu Yudea siagang daera-daera niaka ri tammulilina.