LUKAS 6:48 - KITTA' MATANGKASA'

⁴⁸ Iami sanrapang tau ambangunga balla', nakekei lantang-lantang buttaya, nampa batu napare' pondasi. Ri wattunna battu a'baya siagang battu je'ne' binangaya antujui anjo ballaka, takkulleai ta'ge'goso', nasaba' bajiki pondasina.

LUKAS 6:48 Referans Kwoze

PAMMUJI 62:2

Kupakasannangi nyawaku antayangi Allata'ala, battu ri Iaji bawang kasalamakkanga.

YESAYA 28:16

Lanri kammana anjo, kammaminne kananNa Batara Kaminang Tinggia, “LappadongkoKa' batu pa'dongkokang majarre' siagang makassa' ri Sion; se're batu pundasi ia ka'jalaka ballinna, niaka tulisanna angkana: ‘Inai-inai jarre' tappa'na, tena nalanibeta.’

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,

YESAYA 26:4

Tuli tappa' mako mae ri Batara, saba' Karaeng Allata'ala tuli anjagaiki'.

EFESUS 2:20

Nibangung tommako irate ri batu le'baka napadongko' sikamma tunisuroNa Allata'ala siagang na'bi-na'biNa; nampa Isa Almasi a'jari sanrapang batu malompona anjo bangunanga.

1 YOHANES 2:28

Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.

PAMMUJI 32:6

Lanri kammana sikamma tau bajika parallui appala' doang ri wattunna nakasia' kasukkarranga, sa'genna punna battu a'ba kasusaanga, tena nanilo'lorangi.

2 SAMUEL 22:32

Lanri Batara bawang Allata'ala; Allata'ala bawang angngalleiki'.

PANGNGEBARANG 10:25

Punna battu anging lompoa antujui, lanynya'mi tau ja'dalaka; mingka tau lambusuka tuli jarreki satunggu-tungguna.

2 SAMUEL 22:47

Batara mattallasaka! Nipujimi Pannulungku! Mala'biriki kalompoanNa Allata'ala Mappasalamakku!

YESAYA 59:19

KoasaNa siagang kala'biranNa lanakamallakkangi sikontu taua battu raya sa'genna kalau'. Labattui rapang binanga sarringa lo'loro'na, nipammarrunga ri anging kancang.

2 PETRUS 1:10

Lanri kammana, sikamma sari'battangku, paralluko pila' nuterassi usahanu sollanna pila' a'jari majarre' anjo pakkio'Na siagang pammileNa Allata'ala mae ri kalennu. Punna nugaukang anjo kammaya, tena nulanipassala.

LAMPA-LAMPANA 14:22

Napakajarre'mi atinna sikamma tau tappaka ri Isa ri anjo kota-kotaya. Napakainga'mi ke'nanga, sollanna tuli jarre' tappa'na mae ri Isa. “Musti jai rolong pa'risi' nikasia', nampa akkulle nikasia' mate'nea lalang ri Lino BeruNa Allata'ala,” kammami anjo napangngajarrang tunisuroNa Allata'ala mae ri sikamma tau tappakamo mae ri Isa, ri anjo kota-kotaya.

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

NAHUM 1:8

Kontui a'ba lompoa battu Naancuruki musu-musunNa. Ia barania angngewai Nalappassangi kamateang sa'genna ancuru'.

PAMMUJI 95:1

Umba kimakkelong mae ri Batara, akkio' rannu mae ri Tumappasalamatta!

2 SAMUEL 22:5

Nikurunga' ri bahaya kamateang siagang niamme ri a'ba kapanrakang.

PAOLE 32:15

Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.

2 SAMUEL 23:3

Le'baki a'bicara Allata'alana Yakub; Nakana pannulunna tu Israel ri nakke: “Karaeng ammarentaya ri ra'ya' lalang kaadelang ampimpingai mappilangngeri mae ri Batara,

2 SAMUEL 22:2

[Mangngaia' ri Katte, o Batara, iKattemi kagassingangku.]

1 SAMUEL 2:2

Tena matangkasa' sangkamma Batara! Iaji bawang akkulle a'jari pa'la'lang.

PAOLE 32:31

Naassengi musunna Israel angkanaya lammai pajagana ke'nanga, tena nasangkamma Allata'alana Israel hebaka.

PAOLE 32:18

Nabokoi ke'nanga Allata'ala Mappasalama'na ke'nanga; nakaluppai Allata'ala assarea katallassang.

LUKAS 6:47

Inaimi lanipasanrapangangi tau battua mae ri Nakke, na napilangngeri siagang nagaukang kanangKu? – Bajiki punna Kupauangko –.

LUKAS 6:49

Mingka inai-nai allangngereki kanangKu mingka tena nagaukangi, iami sanrapang tau ambangunga balla', natena nammake pondasi. Punna battu a'baya antujui, anra'ba memammi silalonna; na teai sipato' lompona panra'na anjo ballaka!”