LUKAS 5:7 - KITTA' MATANGKASA'

⁷ Jari appala' tulummi ri agang-aganna ke'nanga niaka ri biseang maraenga. Battumi agang-aganna ke'nanga nampa nabonei juku' biseanna ke'nanga. Rassi rua-ruai anjo biseanna ke'nanga, sa'genna a'birimmo tallang anjo biseanga napakamma jaina juku'.

LUKAS 5:7 Referans Kwoze

FILIPI 4:3

Kupala' tongi mae ri sikamma bela majarrekku, sollanna nubantu anjo baine ruaya. Le'ba'mi ke'nanga anjama terasa' siagang inakke untu' ambirittakangi Kabara' Baji' battua ri Allata'ala; sangkamma Klemen siagang sikamma sari'battang maraengannaya kuaganga ngaseng sipanjamang. Nia'mi areng-arenna ke'nanga tattulisi' lalang ri Kitta'na Tau Attallasaka.

GALATIA 6:2

Paralluko situlung-tulung antanggongi susana parannu tau, nasaba' lanri kammanami anjo nanugaukammo apa Napassuroanga Almasi.

LAMPA-LAMPANA 11:25

Nampa a'lampa Barnabas mange ri Tarsus, amboyai Saulus.

PANGNGEBARANG 18:24

Nia' sahaba' tamamminraya, nia' todong la'bi jarre' na sari'battanga.

KALAPPASSANG 23:5

Punna tu'guru' keledaina musunnu lanri battala'na eranganna, tulungi ampaentengi anjo keledaia; teako bakoi bawang kamma anjo.

MARKUS 4:36

Jari antama'mi ana'-ana' gurunNa ri biseanga. Nia' memammi Isa antama' riolo ri biseanga. Nabokoimi anjo tau jaia ri biring tamparanga. A'lampami Isa siagang ana'-ana' gurunNa. Nia' todong biseang-biseang maraeng anjoreng.

LUKAS 5:6

Le'ba'na nagaukang anjo apa Napassuroanga Isa, teaimi sipato' jaina juku' nagappa ke'nanga. Sa'genna appakkaramulami sinre' jalana ke'nanga napakamma juku'.

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”