LUKAS 5:26 - KITTA' MATANGKASA'

²⁶ Sanna' ngasemmi lannasa'na ke'nanga, nammuji-mujimo ri Allata'ala. Na lalang malla'na, nakanamo ke'nanga, “Teai sipato' appakalannasa'na kajariang nicinika anne alloa!”

LUKAS 5:26 Referans Kwoze

MATIUS 9:8

Ri wattunna nacini'mo tau jaia anjo apa kajarianga, malla' ngasemmi ke'nanga; nammuji-mujimo ke'nanga ri Allata'ala, lanri Napa'nyatanamo Allata'ala koasa kammaya lompona mae ri tu linoa.

LUKAS 7:16

Malla' ngasemmi taua, na mammuji-muji ri Allata'ala. Nakanamo ke'nanga, “Ammumbami na'bi lompoa ri tangnga-tangngata! Nia'mi battu Allata'ala ampasalamaki umma'Na!”

LAMPA-LAMPANA 4:21

Takkulleami anggappa alasang manna sirupa anjo anggota-anggota sidanga ri pangadelanga, untu' anghukkungi Petrus siagang Yohanes. Jari nagaratta'mi ke'nanga anjo tau ruaya, nampa nalappassang, nasaba' ammuji-muji ri Allata'ala tau jaia passabakkang anjo kajarianga.

LUKAS 8:37

Napala' dudu ngasemmi tau ammantanga ri daera Gerasa, sollanna a'lampa Isa ambokoi anjo tampaka, lanri malla' duduna ngaseng ke'nanga. Jari nai'mi Isa ri biseanga, ero' ammotere'.

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”

MARKUS 2:12

Ambangummi nai' anjo taua, na naalle memang tappere'na, nampa a'lampa assulu' niciniki ri tau jaia. Sanna' ngaseng lannasa'na anjo tau jaia. Ammuji-mujimi ke'nanga ri Allata'ala. Nakanamo ke'nanga, “Tena le'bakkapaki' accini' kajariang kammaya anne!”

MATIUS 28:8

Akkaro-karomi anjo bai'-bainea a'lampa ambokoi anjo jeraka. Sanna' malla'na ke'nanga, mingka sanna' todong rannuna ngaseng nyawana. Larimi ke'nanga mange ampabattui ri ana'-ana' gurunNa Isa.

MATIUS 12:23

Lannasa' ngasemmi siagang angkanami taua, “Maka iaminne Ana'na Daud, le'baka nipa'janjiang?”

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

YEREMIA 33:9

Yerusalem la'jari karannuangKu siagang kalompoanna nyawaKu. Sikontu bansaya ri lino la'jari mallaki siagang annekkereki kammayatompa lappakalompoi ri Nakke, punna nalangngereki passala'na kabajikang Kugaukanga untu' pandudu'na Yerusalem, siagang kakalumanynyangngang Kupassareanga mae ri anjo kotaya.”

GALATIA 1:24

Jari, ammuji-mujimi ke'nanga ri Allata'ala, passabakkang inakke.

LUKAS 1:65

Malla' ngasemmi sambori'na; na tassiara'mo anjo kabaraka ri sikontu daera monconga ri Yudea.