LUKAS 4:40 - KITTA' MATANGKASA'

⁴⁰ Ri wattunna lalabumo alloa, battu ngasemmi taua angngerangi tau garrinna mae ri Isa. A'rupa-rupami garrinna ke'nanga. Naangka'mi na Napadongko' limanNa Isa irateanganna ke'nanga, sa'genna a'jari baji' ngaseng ke'nanga.

LUKAS 4:40 Referans Kwoze

MARKUS 5:23

Na napala' dudu ri Isa nakana, “Bapa', sanna' sikali garrinna ana' baineku. Kupalaki naKibattu anta'galaki, sollanna akkulle baji', natea matei!”

LAMPA-LAMPANA 19:12

Ebara'na, punna nierang passapunna yareka passikko' aya' le'baka napake Paulus mae ri tau garringa, akkullemi a'jari baji' taua, yareka assulu'mi roh ja'dalaka ri kalenna ke'nanga.

LAMPA-LAMPANA 5:15

Ba'lalo lanri kammana anjo, nierammi assulu' ri aganga tau garringa rate ri bulekang, yareka nipadongko' ri tappereka, sollanna punna numalo Petrus, kaminang sike'de'na manna taung-taunnaja antabai anjo tau garringa, nakkulle a'jari baji'.

MARKUS 3:10

Sanna' jaina tau Naballei na'jari baji'. Sa'genna sisorong-sorong ngaseng minjo tau garringa, massing ero' a'reppese' nakkulle nasero Isa.

MATIUS 14:13

Nalangngere'na Isa anjo kabara'na Yohanes, nai'mi ri biseanga, na'lampa kale-kalenna ambokoi anjo tampaka. A'lampai mange akkale-kale ri pammantangang sino-sinoa. Mingka nalangngere'na taua anjo, a'lampami ke'nanga ambokoi kota-kotana mange ampinawangi Isa. Ammolongangi ke'nanga a'jappa rate ri bontoa mange ri tampa' lanamangeia Isa.

MATIUS 11:5

accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, kammayatompa nibirittakammi Kabara' Baji' battua ri Allata'ala mae ri tu kasi-asia.

MARKUS 6:5

Anjoreng ri tampaka taerokai Isa appa'nia' gau' appakalannasa', pantaranganna siapa are tau garring Napadongkoki lima sa'genna a'jari baji'.