LUKAS 3:22 - KITTA' MATANGKASA'

²² na manurummo RohNa Allata'ala irateanganNa, sangkamma jangang-jangang bodobangkeng. Nampa nia' kalangngerang sa'ranNa Allata'ala battu ri suruga angkana, “IKaumi AnakKu Kukamaseanga. IKaumi ampakasannangi atingKu.”

LUKAS 3:22 Referans Kwoze

PAMMUJI 2:7

Nakana Karaeng, “Eroki laKupa'la'bang apa Napattantu Batara. Nakana ri nakke, ‘Ikau ana' bura'neKu, anne alloa iNakke a'jari Manggenu.

YOHANES 1:32

Napabattu tommi Yohanes anne kasa'bianga angkana, “Kuciniki RohNa Allata'ala manurung battu rate ri langika, sangkamma jangang-jangang bodobangkeng, battu ammantang irate ri Ia.

MATIUS 17:5

Lalang a'bicarana Petrus, nia'mo rammang accaya manaung irateanganna ke'nanga. Nania'mo sa'ra kalangngerang battu lalang ri anjo rammanga angkana, “Iaminne Ana' nikamaseangKu. Napakate'nei atingKu. Pilangngerimi kananNa!”

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

MATIUS 3:17

Nampa nia' kalangngerang sa'ra battu rate ri langika angkana, “Iaminne AnakKu Kukamaseanga. Iami nakate'neang atingKu.”

1 PETRUS 2:4

Lanri kammana, battu mako mae ri Batara. Iami sanrapang batu mattallasaka, iamintu batu nipelaka ri rupataua lanri nakana tena matu-matunna; mingka nipilei ri Allata'ala a'jari batu lompoa anggaranna.

MATIUS 12:18

“Iaminne TunisuroKu le'ba' Kupilea, TunikamaseangKu siagang TuKupassiratanga ri atingKu. LaKupassareangi RohKu mae ri Ia, LaNakabarrangi kaadelangKu mae ri bansa-bansaya.

KOLOSE 1:13

Le'ba' maki' Nalappassang battu ri kakoasanna masassanga, nampa napalettekki' antama' ri pamarentahanNa Ana'Na Nakamaseanga.

LUKAS 4:21

Na appakkaramulamo Isa a'bicara ri ke'nanga angkana, “Anne alloa, ri nulangngere'na Kubaca, a'rupami anjo apa napaua sikamma ayaka sumpaeng.”

MATIUS 27:43

Na patappaki Allata'ala, siagang Nakanai KalenNa Ana'Na Allata'ala. Jari umbamo niciniki kamma-kamma anne, maka ero' tojenji Allata'ala ampasalamaki.”

MATIUS 3:13

Anjo wattua a'lampai Isa battu ri Galilea mange ri Binanga Yordan. Mangemi ri Yohanes assuro je'neki KalenNa.

MATIUS 3:16

Le'baki nije'ne', assulu'mi Isa battu ri je'neka ri anjo binangaya. Ti'ring tassungkemi langika, nampa nia'mo Nacini' Isa RohNa Allata'ala manurung sangkamma jangang-jangang bodobangkeng, battu attompo' irateanganNa.

MARKUS 1:9

Anjo wattua nia'mi Isa battu ri Nazaret ri daera Galilea, na nije'ne' ri Yohanes ri Binanga Yordan.

MARKUS 1:11

Nampa nia' sa'ra Nalangngere' iamintu sa'ranNa Allata'ala battu rate ri langika angkana, “IKaumi AnakKu Kukamaseanga. IKaumi nakate'neanga atingKu.”

MARKUS 9:7

Nampa battu rammanga antongkoki ke'nanga. Na battu lalang ri rammanga, nia'mo sa'ra angkana, “Iaminne AnakKu Kukamaseanga. Pilangngerimi kananNa!”

LUKAS 2:14

“Nipujimi Allata'ala ri langi' kaminang tinggia! Nasalewangang rupataua ri tompo'na linoa mappakate'nea ri atinNa Bataraya!”

YOHANES 5:37

Siagang Nasuro tongA' Manggea a'jari sa'bi ri KalengKu. Tena le'bakapi nulangngere' sa'ranNa, yareka nucini' rupanNa.

YOHANES 12:28

Bapa', Kipakala'biri'mi arenTa!” Nia'mo sa'ra kalangngerang battu rate ri langika angkana, “Kupakala'biri'mi, siagang latuli Kupakala'biriki pole.”