LUKAS 24:19 - KITTA' MATANGKASA'

¹⁹ Akkuta'nammi Isa Nakana, “Kajariang apa?” Appialimi ke'nanga angkana, “Anjo apa kajarianga ri KalenNa Isa, battua ri Nazaret. Ia na'bi. Teai sipato' lompona koasaNa, baji' ri kana-kananNa, kammayatompa ri panggaukanNa – baji' ri dallekanNa Allata'ala, kammayatompa ri dallekanna sikamma rupataua.

LUKAS 24:19 Referans Kwoze

MATIUS 21:11

Appialimi tau jaia niaka anrurungangi Isa angkana, “Na'bi Isa, battu ri Nazaret, ri Galilea.”

LAMPA-LAMPANA 7:22

Sikamma pappilajaranna bansa Mesirka nipangngajarrang tommi mae ri ia. Na'jarimo tau sannaka lompona koasana, baji' lalang kana-kananna kammayatompa lalang panggaukanna.

LAMPA-LAMPANA 2:22

Sikamma sari'battangku tu Israelka! Pilangngeri anne apa kupaua: Anjo Isa, battua ri Nazaret, nisarei tugasa' ri Allata'ala untu' ikau ngaseng. A'nassa sikalimi anjo lalang ri gau'-gau' appakalannasa' siagang apa-apa tenaya narapiki akkala'nu, le'baka Nagaukang Allata'ala ri tangnga-tangnganu lalang ri KalenNa anjo Isa. Yangasenna anjo massing nuassemmi.

YOHANES 6:14

Nacini'na tau jaia anjo gau' appakalannasa' Nagaukanga Isa, nakanamo ke'nanga, “Ma'nassa Iaminne Na'bi niminasaia labattu ri linoa!”

YOHANES 4:19

Nakanamo anjo bainea, “Kamma-kamma anne kuasseng maKi' angkanaya Na'biKi' padeng.

YOHANES 3:2

Nia' se're wattu nabattu bangngi mange ri Isa. Nakana ri Isa, “Bapa' Guru, niassemmi angkanaya Allata'ala assuroKi' battu. Nasaba' tenanniakka manna sitau akkulle anggaukangi gau' appakalannasa' sangkamma le'baka Kigaukang, punna tena nanirurungangi ri Allata'ala.”

LUKAS 7:16

Malla' ngasemmi taua, na mammuji-muji ri Allata'ala. Nakanamo ke'nanga, “Ammumbami na'bi lompoa ri tangnga-tangngata! Nia'mi battu Allata'ala ampasalamaki umma'Na!”

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

YOHANES 7:52

Appialimi ke'nanga angkana, “Barang tu battu tongko ri Galilea? Paressami Kittaka! Lanuassemmi angkanaya tena na'bi labattu ri Galilea.” [

MARKUS 1:24

“E, Isa tu Nazaret, apa ero' Nugaukang mae ri kambe? BattuKo ero' anghukkungi ikambe? Kuassengi angkanaya inaiKo antu: iKaumi Tunisuro matangkasaka, battua ri Allata'ala!”

PAOLE 18:15

Kabalekanna lakkiringi tau battu ri bansata tonji sitau na'bi kammaya anne inakke battu mae ri kau, siagang musti mannurukiko mae ri ia.

LUKAS 24:18

Angkanami kalase'renna ke'nanga, iamintu niarenga Kleopas, “Kale-kalentaji bawang tau beru battu ri Yerusalem? Takiassengai anjo apa beru kajarianga anjoreng?”