LUKAS 23:50 - KITTA' MATANGKASA'

^50-51 Nia' tau niareng Yusuf, tu battu ri kota Arimatea ri pa'rasangang Yudea. Anne taua, tau baji' siagang nikangalikangi ri tau jaia. Sallo tommi natayang wattunna lammarenta Allata'ala, salaku Karaeng. Anggotana tongi Pangadelang Agamaya. Mingka tena nasitujui anjo apa le'baka natappuki siagang nagaukanga pangadelanga ri Isa.

LUKAS 23:50 Referans Kwoze

LAMPA-LAMPANA 11:24

Anne Barnabas tau baji' pa'mai' siagang nikoasaimi ri RohNa Allata'ala; kammayatompa sanna' jarre'na tappa'na ri Batara, sa'genna jaimi tau amminawang tappa' ri Batara.

LAMPA-LAMPANA 10:22

Appialimi ke'nanga angkana, “Kapiteng Kornelius ansuroi anne ikambe battu mae. Anjo Kornelius tau baji', siagang tau malla' ri Allata'ala, kammayatompa sanna' nipakalompona ri sikamma tu Yahudia. Niaki malaeka'Na Allata'ala ansuroi sollanna nasuro kiokki' mange ri balla'na. Iaminjo ampa'nassai angkanaya nipilangngerimi pappala' doanna ri Allata'ala, punna akkullemo nalangngere' apa lakipabattua mae ri ia.”

LAMPA-LAMPANA 10:2

Ia tau malla' ri Allata'ala. Sikontu bone balla'na tau anynyomba ngaseng mae ri Allata'ala. Jai tu kasi-asi bansa Yahudi natulung. Tuli appala' doangi ri Allata'ala lalang tallasa'na.

LUKAS 2:25

Anjo wattua nia' ri Yerusalem sitau niareng Simeon. Ia tau baji', na malla' ri Allata'ala. Na tayang-tayammi wattunna nabattu Allata'ala ampasalamaki umma' Israel. Antama'mi RohNa Allata'ala ri kalenna.

LAMPA-LAMPANA 13:29

Na le'ba'namo nabuno Isa, situru' apa le'baka tattulisi' lalang ri Kittaka, napanaummi ke'nanga maya'Na battu ri kayu sallika nampa napantama' ri jeraka.