LUKAS 23:3 - KITTA' MATANGKASA'

³ Jari akkuta'nammi Pilatus ri Isa Nakana, “Kammatojengi, angkanaya karaennaKo tu Yahudia?” Appialimi Isa Nakana, “Kammaminjo kanannu.”

LUKAS 23:3 Referans Kwoze

1 TIMOTIUS 6:13

Na kamma-kamma anne, ri dallekanNa Allata'ala assarea nyawa sikontu apa-apa attallasaka kammayatompa ri dallekanNa Isa Almasi assarea kasa'biang tojeng mae ri Pontius Pilatus, iaminne kuparentakanga mae ri kau:

YOHANES 1:49

Nakanamo Natanael, “Bapa' Guru, iKattemi Ana'Na Allata'ala! IKattemi Karaenna bansa Israel!”

LUKAS 22:70

Nakana ngasemmo ke'nanga, “Jari punna kamma Ana'NaKo Allata'ala?” Appialimi Isa Nakana, “Kammaminjo kanannu ngaseng.”

MARKUS 15:2

Akkuta'nammi Pilatus ri Isa nakana, “Kammatojengi angkanaya karaennaKo tu Yahudia?” Appialimi Isa Nakana, “Kammaminjo nupaua.”

YOHANES 19:3

Nampa a'mole-mole ke'nanga battu ri dallekanNa Isa angkana, “La'bu lalo umurutTa, karaenna tu Yahudia!” Nampa natempaka'rang ke'nanga Isa.

LUKAS 23:38

Irateang ri anjo kayu salli'Na Isa, nia' tattulisi' angkanaya: “Iaminne Karaenna tu Yahudia.”

MARKUS 15:32

Punna ma'nassa karaenna memang tongi tu Israelka, Karaeng Mappasalamaka, baji'mi punna Napanaung KalenNa battu ri anjo kayu sallika, sollanna na nicini' nakitappa' todong ri Ia!” Kammayatompa anjo tau naaganga Isa nisalli', katuru'-turukang tommi anghinai Isa.

MARKUS 15:18

Le'baki anjo anynyombami ke'nanga ri Isa nakana, “Iye' Karaenna tu Yahudia.”

MATIUS 27:11

Ri wattunna andallekang Isa ri Pilatus, guburnurna anjo pa'rasanganga, akkuta'nammi Pilatus nakana, “Maka karaennaKo tu Yahudia?” Appialimi Isa Nakana, “Kammaminjo nukanaya.”

YOHANES 18:29

Jari a'lampami assulu' Pilatus mange ri ke'nanga nampa akkuta'nang nakana, “Apa nutuntukangi anne Taua?”