LUKAS 23:27 - KITTA' MATANGKASA'

²⁷ Jai tau amminawang a'jappa ri bokoNa Isa – nia' todong siapa are bai'-baine. Angngarru'mi anjo bai'-bainea angkarruki Isa.

LUKAS 23:27 Referans Kwoze

LUKAS 8:52

Angngarru'mi siagang appiraung ngasemmi taua angkarruki anjo ana' matea. Mingka Nakanamo Isa, “Teako niakki angngarru'. Anjo anaka tena namate, mingka attinronaja!”

LUKAS 8:2

Kammayatompa siapa are bai'-baine le'baka napantamakki roh ja'dala' siagang tau garring na Naballei Isa, nia' tongi amminawang. Iamintu Maria nigallaraka Magdalena (le'baka napantamakki tuju setang na Nabongka assulu' Isa);

MARKUS 15:40

Nia' todong siapa are bai'-baine ancini' battu bellai anjo sikamma apa kajarianga. Niaki Salome, Maria Magdalena, siagang Maria amma'na Yakobus loloa, kammayatompa Yoses.

LUKAS 23:55

Ri wattunna a'lampa Yusuf angngerangi maya'Na Isa mange ri jeraka, amminawang tongi bai'-baine amminawanga ri Isa battu ri Galilea. Jari naciniki ke'nanga pammantanganna anjo jeraka. Nacini' tongi ke'nanga antekamma batena nipadongko' maya'na Isa lalang ri jeraka.

MATIUS 27:55

Jai todong tu baine anjoreng, ancini' battu bellai anjo kajarianga. Ia ngaseng minjo ke'nanga le'baka amminawang siagang ambantui Isa appakkaramula battu ri Galilea.

PAMMUJI 22:17

Nikatulunga' ri garombolang tau ja'dalaka; sanrapang kongkong jaia ke'nanga angkatulunga, anto'do'-to'doki limangku siagang bangkengku.

MATIUS 11:17

Nia' angkana, ‘Kelong a'rannu-rannu nikelongang, mingka taerokako akkarena! Kelong tu kamateang nikelongang, mingka taerokako angngarru'!’

LUKAS 23:28

Mingka assailemi Isa mae ri ke'nanga, nampa Nakana, “E, tu bai'-bainena Yerusalem! Teako Nakke nukarruki. Mingka kalennumo siagang ana'-ana'numo nukarruki.

YOHANES 16:20

Tappa' mako angkanaya, langngarrukko siagang lappiraungko, mingka larannui linoa. Lasusai pa'mai'nu, mingka lanipinrai kasusannu a'jari karannuang.