LUKAS 22:62 - KITTA' MATANGKASA'

⁶² Jari assulukammi Petrus, nangngarru'-arru' tassunge'nge'.

LUKAS 22:62 Referans Kwoze

1 KORINTUS 10:12

Inai-nai nakana kalenna kassa' ri pammentenganna, parallui tutu, sollanna tena natu'guru'.

MATIUS 26:75

Nau'rangimi Petrus le'baka Napau Isa ri ia angkanaya, “Ri tenanapa nattingkoko janganga na pintallumMa' nusassali.” Assulukammi Petrus angngarru', si'na pa'mai'na.

MARKUS 14:72

Anjo wattua attingkokomi pole janganga makapinruanna. Na nau'rangimi Petrus angkanaya le'baki angkana Isa ri ia, angkana, “Ri tenanapa nattingkoko makapinruang janganga, pintallumMa' nusassali.” Angngu'ranginna Petrus, a'lampami angngarru' tassunge'nge'-nge'nge'.

MATIUS 5:4

Mate'nei tau susaya pa'mai'na; nasaba' iami lanisaleori ri Allata'ala!

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

YEHEZKIEL 7:16

Nia' sipa'gang lata'lappasa' nampa lari naiki ri pa'bulukanga. Anjoreng lasanrapangi ke'nanga jangang-jangang pune-pune nibongkaya battu ri ka'bunga; kabusu'na lakkunrarengi pa'risi' lanri dosa-dosana ke'nanga.

YEREMIA 31:18

Kulangngereki umma' Israel a'bicara lalang kapacceang, angkana, ‘O Batara, ikambe rapammi olo'-olo' tenayapa nipa'jari annabai mingka Kilati ummatTa untu' mannuruki, na kamma-kamma anne sadiami ikambe untu' ammotere' mae ri Katte. Jari, erammi ikambe ammotere', o Batara, Allata'alana ikambe.

PAMMUJI 38:18

Punna a'biringa' tu'guru', tulusu' pa'risi'na kusa'ring.

LUKAS 22:61

Assailemi Isa mae ri Petrus. Nau'rangimi Petrus apa le'baka Napau Isa ri ia angkanaya, “Ri tenanapa nattingkoko janganga, pintallumMa' nusassali.”

LUKAS 22:63

Nipare' karek-karenammi siagang niba'jimi Isa ri sikamma tau anjagaiyai.