LUKAS 22:33 - KITTA' MATANGKASA'

³³ Appialimi Petrus nakana, “O, Batara, sadiama' antama' ri tarungkua siagang assikamateang siagang iKatte!”

LUKAS 22:33 Referans Kwoze

MARKUS 14:31

Appiali terasa'mi Petrus nakana, “Manna pole musti matea' siagang iKatte Bapa', tena sikali nakulangkana takuassengaKi' Bapa'!” Akkana kamma ngaseng tomminjo ana'-ana' gurunNa maraenga.

MARKUS 14:29

Appialimi Petrus nakana, “Tena! Manna a'lampa ngaseng ke'nanga ampilariKi', mingka inakke tena sikali kuero' ampilariKi'.”

MATIUS 20:22

Nakanamo Isa ri ke'nanga, “Tanupahangai antu apa nupalaka. Maka akkullejako lampisa'ringi todongi passessa laKupisa'ringia?” Appialimi ke'nanga angkana, “Iye', akkulleja'.”

LAMPA-LAMPANA 21:13

Mingka appialimi Paulus angkana, “Apa matu-matunnu angngarru' kamma ngaseng, sa'genna a'jari ancuru' kusa'ring atingku? Kamma-kamma anne sadiama'; teako angkana nijakkala' bawang, mingka sadiama' ba'lalo mate lanri Batara Isa.”

PANGNGEBARANG 28:26

Inai manrannuang ri panggappang kalenna, tabajikai akkala'na. Inai ampinawangi ajaranna tau cara'deka lasalamaki.

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

YEREMIA 10:23

Batara, kuassengi angkanaya tena manna sitau makoasa ampattantui sarenna yareka allewai oloang tallasa'na.

LUKAS 22:34

Mingka Nakanamo Isa, “Tappa' mako Petrus, angkanaya tenapa nattingkoko janganga, nanupintallummo ansassaliA'.”

YOHANES 13:38

Appialimi Isa Nakana, “Maka attojeng-tojengko larella mate untu' iNakke? Baji'mi nanuasseng angkanaya, tenapa nattingkoko janganga sinampe', nanupintallummo angkana tena nanuassengA'!”

LUKAS 22:57

Mingka assassala'mi Petrus. Nakana, “Tena sikali nakuassengi anjo taua!”