LUKAS 22:19 - KITTA' MATANGKASA'

¹⁹ Le'baki anjo angngallemi roti Isa. Na le'ba'na appala' sukkuru', Napue-puemi anjo rotia siagang limanNa, nampa Napassareang mae ri ke'nanga, na Nakana, “Iaminne batangkalengKu [nipassareanga untu' ikau ngaseng. Gaukammi anne kammaya, untu' a'jari pangngu'rangi mae ri Nakke.”

LUKAS 22:19 Referans Kwoze

1 KORINTUS 10:16

Ri wattunta sipangnginungang anggoro' siagang appala' sukkuru' mae ri Allata'ala, sai iaminjo a'jari pammatei angkanaya a'jari se're ngaseng maki' siagang Almasi lalang ri kamateanNa? Kammayatompa ri wattunna nibage-bage anjo roti se'rea nampa assama-samaki' angkanrei, sai iaminjo a'jari pammatei angkanaya a'jari se're maki' lalang ri batangkalenNa Almasi?

LUKAS 22:20

Kamma tomminjo, ri le'ba'na nakanre ke'nanga anjo rotia, Napassareammi anjo piala anggoroka mae ri ana'-ana' gurunNa, na Nakana, “Anne pialaya iami a'jari pammatei parjanjiang beruNa Allata'ala, nipa'jari assaya siagang cerakKu, iamintu cera' nipasolonga untu' ikau ngaseng.”]

1 KORINTUS 10:4

siagang para angnginummi ke'nanga je'ne' inung rohani sangkammaya. Angnginung ngasemmi ke'nanga battu ri je'ne' assuluka ri bulu' batu rohani niaka anrurungangi ke'nanga; anjo bulu' batua iamintu KalenNa Almasi.

PAMMUJI 111:4

Anjo Batara mangngamaseangi siagang manynyayangi, Nagaukang gau'-gau' malompoa, sollanna ikatte tuli niu'rangi.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.

EFESUS 5:2

Paralluko attallasa' lalang ri pangngamaseanga, sangkamma todong Almasi mangngamaseangi mae ri katte. Nakoro'bangkangi KalenNa untu' ikatte, a'jari passare siagang koro'bang mabau', Nakarannuanga atinNa Allata'ala.

GALATIA 1:4

Napassareammi KalenNa Almasi a'jari koro'bang untu' dosa-dosata, lanri Naturukinna ero'Na Allata'ala Manggeta. Sollanta akkulle nipasalama' battu ri anne jammang kaja'dallanga.

YOHANES 6:51

INakkemi roti manurunga battu ri suruga iamintu roti assarea katallassang. Tau angkanreai anne rotia lattallasaki satunggu-tungguna. Roti laKupassareanga iamintu KalengKu, untu' katallassanna rupataua ri lino.”

LUKAS 24:30

Ri wattunna ammempo sipangnganreang ke'nanga, angngallemi roti Isa. Appala' sukkuru'mi ri Allata'ala, naNapue-pue anjo rotia, nampa Napassareang mae ri ke'nanga.

MATIUS 14:19

Nasuromi anjo tau jaia ammempo naung ri paranga. Le'baki anjo, Naallemi anjo roti limambatua siagang juku' ruang kayua. Nampa acconga nai' ri langika, appala' sukkuru' ri Allata'ala. Nabage-bagemi anjo rotia, nampa Napassareang mae ri ana'-ana' gurunNa, sollanna natawa-tawai anjo tau jaia.

YOHANES 6:23

Nampa nia'mo siapa are biseang battu ri kota Tiberias mange anjoreng ri ampi'na tampa' le'baka napangnganrei roti tau jaia ri wattunna nisare ri Isa.

LUKAS 22:17

Le'baki anjo Naangka'mi Isa piala anggoroka, nampa appala' sukkuru' ri Allata'ala. Nampa Nakana, “Allemi anne, nanubage-bage;

KELONG MALA'BIRI' 1:4

Umba linta', o, karaengku, eranga' antama' ri kamara'nu. Lanri ikau nama'reja-reja ngaseng ikambe, mammuji ri pangngainu la'bia na anggoro'; siratang memangi tuloloa ero' ri kau!

1 TESALONIKA 5:18

Lalang yangasenna katallassannu paralluko tuli appala' sukkuru'; nasaba' iaminjo Nakaerokanga Allata'ala mae ri kau salaku tau ampakase'reai katallassanna siagang Isa Almasi.

DANIEL 2:38

Nipa'jariki' karaeng tukoasa mae ri lino niaka pandudu'na kammayatompa jangang-janganga siagang olo'-olo' maraengannaya. Kalentami karaeng natabaya pangngebarranna anjo ulu bulaenna anjo patunga.

GALATIA 4:25

Jari, iaminjo Hagar sanrapang Bulu' Sinai, niaka ri butta Arab. Iami pangngebaranna kota Yerusalem siagang sikontu tuma'buttana, a'jaria ata kamma-kamma anne.

YEHEZKIEL 37:11

Nakana Allata'ala ri nakke, “He tau, anne sikamma buku-bukua iami pangngebaranna bansa Israel. Akkunrarengi ke'nanga lanri kalotoroki, tena panrannuanna siagang tena allo ri bokona.

MATIUS 15:36

Nampa Naalle anjo roti tujumbatua siagang anjo jukuka. Le'baki appala' sukkuru' ri Allata'ala, Nabage-bagemi anjo rotia siagang jukuka nampa Napassareang mae ri ana'-ana' gurunNa. Natawa-tawaimi ke'nanga anjo tau jaia.

YEHEZKIEL 5:5

Nakana Batara Kaminang Tinggia, “Ciniki, iaminne Yerusalem. Anne kotaya Kuboliki ri pocci'na linoa, siagang bansa-bansa maraenga ri tammulilina.