LUKAS 21:37 - KITTA' MATANGKASA'

³⁷ Anjoreng ri Balla'Na Batara angngajara' Isa punna allo. Na punna bangngi a'lampai mange ammantang ri Bonto Zaitun.

LUKAS 21:37 Referans Kwoze

LUKAS 22:39

Le'baki anjo Nabokoimi Isa anjo kotaya, nampa sangkamma biasa, a'lampami siagang ana'-ana' gurunNa mange ri Bonto Zaitun.

MARKUS 11:19

Ri wattunna la'birimmo bangngi a'lampami Isa siagang ana'-ana' gurunNa ambokoi anjo kotaya.

MATIUS 26:55

Nampa Nakanamo Isa ri anjo tau jaia, “Apaka nucini' ja'dalakKa' numassing angngerang kamma pa'dang siagang palu-palu battu anjakkalakKa'? Allo-alloKu angngajara' lalang ri Balla'Na Allata'ala natena nujakkalakKa'!

MATIUS 21:17

Le'baki anjo a'lampami Isa ambokoi ke'nanga. Assulu'mi battu ri kotaya, namange a'bangngi ri Betania.

MATIUS 21:1

A'reppese'namo ri Yerusalem, battumi ke'nanga ri Betfage, ri Bonto Zaitun. Battuna anjoreng Nasuromi rua ana' gurunNa Isa a'lampa riolo.

LAMPA-LAMPANA 1:12

Le'baki anjo ammotere'mi anjo sikamma tunisuroa battu ri Bonto Zaitun mange ri Yerusalem. Anjo bontoa nia' kira-kira se're kilometere' bellana battu ri Yerusalem.

YOHANES 12:1

Ri annangallonapi nanarapiki Allo Lompona Paskaya, a'lampami Isa mange ri Betania. Anjorengi ammantang Lazarus, anjo le'baka Napattallasa' poleang Isa battu ri kamateanna.

LUKAS 19:37

Ri wattunna a'reppese'mo ri Yerusalem, ri agang anynyoloroka ri Bonto Zaitun, appakkaramula ngasemmi sikamma ana' gurunNa akkiok-kio' mammuji-muji ri Allata'ala. Siagang appala' sukkuru'mi ke'nanga ri Allata'ala, lanri le'ba'na ngasemmo nacini' ke'nanga sikamma gau'-gau' appakalannasa' le'baka Nagaukang Isa.

MARKUS 11:12

Ammukona, sitabanna a'jappa ke'nanga assulu' battu ri Betania, cipuru'mi Isa.

MATIUS 26:30

Le'baki anjo, akkelong-kelommi ke'nanga se're kelongang pammuji ri Allata'ala. Nampa a'lampa ke'nanga mange ri Bonto Zaitun.

ZAKHARIA 14:4

Ri anjo alloa lammentengi ri Bulu' Zaitun, irayanganna Yerusalem. Nalanibage rua Bulu' Zaitun ri se'rea ka'bung lappara', appakkaramula battu iraya sa'genna kalau'. Tawaruanna anjo buluka la'gioki a'lampa wara', nabageruanna pole a'lampa timboroki.

MARKUS 14:49

Allo-alloKu nia' ri dallekannu angngajara' lalang ri Balla'Na Batara, angngapa natena nujakkalakKa'? Mingka musti kamma memangi anjo kajarianna, sollanna a'rupamo apa niaka tattulisi' lalang ri Kittaka.”

LUKAS 19:29

Ri wattunna battu ke'nanga ri rampi'na Betfage siagang Betania, iamintu ri Bonto Zaitun, Nasuromi ana' gurunNa rua tau a'jappa riolo.

LUKAS 19:47

Allo-allona angngajara' Isa lalang ri Balla'Na Batara. Mingka ero'mi nibuno ri imang-imang kapalaya, siagang guru-guru agamaya, kammayatompa ri pamimping-pamimpinna tu Yahudia.

YOHANES 18:2

Naassengi Yudas (ampasikongkolangai Isa) anjo tampaka; nasaba' biasami a'rappungang Isa siagang ana'-ana' gurunNa anjoreng.