LUKAS 20:26 - KITTA' MATANGKASA'

²⁶ Ma'nassa tena sikalimo nakkulle ke'nanga ampanggappangi kasalang Isa ri dallekanna tau jaia. A'mereki mami takkajannang ke'nanga allangngereki anjo pappialinNa Isa.

LUKAS 20:26 Referans Kwoze

LUKAS 20:20

Jari a'boyami ke'nanga kasampatang baji'. Nia'mo se're tau nagaji ke'nanga sollanna assara-sarai a'jari tau lambusu' pa'mai', nampa nasuro anjo taua mange akkuta'nang siagang ampa'boyangi kasalang Isa. Napa'boyangi kasalang Isa, sollanna akkulle ke'nanga a'jamma' mae ri kakoasanna guburnurka, nanijakkala' Isa.

TITUS 1:10

Nasaba' jai tau taeroka mappilangngeri, la'biangampa tau le'baka anna'gala' ri agama Yahudi; nangai a'bicara kosong ke'nanga sa'genna natipu taua.

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

LUKAS 13:17

A'jari siri'-siri' ngasemmi anjo musunNa Isa allangngereki pappialinNa Isa; mingka sikamma tau maraenga sannang sikali anciniki sikamma gau' appakalannasa' Nagaukanga Isa.

MATIUS 22:34

Nalangngere'na tu Farisia angkanaya takkulleami akkana tu Sadukia Napakamma Isa, a'rappungammi ke'nanga.

MATIUS 22:22

Nalangngere'na ke'nanga pappialinna Isa, a'jari lannasa' sikalimi ke'nanga. A'lampami ke'nanga ambokoi Isa.

MATIUS 22:12

Akkuta'nammi ri anjo taua nakana, ‘E, gang, antekamma nukkulle antama' anrinni natena nummake pakeang passua'-suarrang?’ Tanaassengami appiali anjo taua.

DANIEL 6:4

Kabateammi linta' angkanaya jama-jamanna Daniel la'bi bajikangngangi najama-jamanna sikamma guburnurka siagang pangawasa' maraengannaya. Lanri kammana anjo, ero'mi karaenga angngangkaki a'jari pamarenta mae ri sikontu kakaraenganga.

MATIUS 8:10

Nalangngere'na Isa kananna anjo perwiraya, teaimi sipato' lannasa'na. Nakanamo ri sikamma tau niaka amminawang ri Ia, “Teai sipato' anne taua. Tenanniakkapa le'ba' Kubuntulu' tau lompo kammaya anne tappa'na ri alla'na tu Israel!

LUKAS 11:54

Nalalang kammana anjo napilangngeri baji'-baji'mi ke'nanga sollanna akkulle najakkala' kananNa Isa punna sala bicarai.