LUKAS 2:46 - KITTA' MATANGKASA'

⁴⁶ Makatallungallonapi naboya ke'nanga nampa nabuntulu' lalang ri Balla'Na Batara. Niaki lalang ammempo ampilangngeri guru-guru agamaya siagang akkuta'nang ri anjo guru-guru agamaya.

LUKAS 2:46 Referans Kwoze

LUKAS 5:17

Nia' se're allo, ri wattunna angngajara' Isa, na nia' siapa are tu Farisi siagang guru-guru agama ammempo ampilangngeri. Tu battui ke'nanga ri Yerusalem siagang kota-kota niaka ri Galilea siagang Yudea. Niaki ri KalenNa Isa koasaNa Allata'ala untu' amballei na'jari baji' sikamma tau garringa.

LAMPA-LAMPANA 5:34

Mingka nia' kalase'renna anggotana anjo pangadelang agamaya tu Farisi, niarenga Gamaliel. Iami guru agama sannaka nipakalompona ri tau jaia. Ammentemmi nai', nampa nasuro erang rolong assulu' sinampe' sikamma anjo tunisuroNa Allata'ala.

YESAYA 50:4

Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

MATIUS 12:40

Tallungalloi le'ba' ammantang Na'bi Yunus lalang ri battanna juku' lompoa. Kamma tomminjo sallang Ana' Ma'rupataua, latallungalloi ammantang lalang ri battanna buttaya.

1 KARAENG-KARAENG 12:12

Tallungallo pole, battumi pole Yerobeam siagang sikontu anjo taua andallekang ri Karaeng Rehabeam, sangkamma niparentakanga mae ri ke'nanga.

1 KARAENG-KARAENG 12:5

Appialimi Rehabeam angkana, “Musti appikkirika' rolong. Battu poleang mako mae ri tallungallo labattua.” Jari ammotere'mi ke'nanga.

MATIUS 16:21

Anjo wattua appakkaramulami a'bicara silambusu'na Isa mae ri ana'-ana' gurunNa, angkanaya takkulleai ta'lampa mange ri Yerusalem angkasiaki passessa jaia. Iamintu passessa battua ri pingga'-pinggawana tu Yahudia, imang-imang kapalaya, kammayatompa guru-guru agamaya. Lanibunoi, mingka lanipattallasa' poleangi battu ri kamateanga ri makatalluna alloa!

LUKAS 2:47

Sikontu tau allangngerekai lannasa' ngasemmi lanri sanna' cara'de'Na a'bicara.

YOHANES 3:10

Appialimi Isa Nakana, “Ikau guruko ri Israel; masa' tena nanuassengi?

1 TIMOTIUS 1:7

Eroki ke'nanga a'jari guru-guru agama, namanna kalenna ke'nanga tanapahangai anjo bicara napaua yareka anjo apa-apa napabattua ke'nanga siagang tappa' dudu.