LUKAS 2:21 - KITTA' MATANGKASA'

²¹ Narapiki sagantuju allo umuru'na, nisunna'mi anjo anaka. Nampa nisare areng ri ke'nanga Isa. Iaminjo areng le'baka napassareang malaekaka, ri wattu tenanapa na nitianangangi ri amma'Na.

LUKAS 2:21 Referans Kwoze

KAIMANGNGANG 12:3

Ri makasagantujuna alloa musti nisunnaki ana'na.

LUKAS 1:59

Ri wattunna sagantuju allomo umuru'na anjo anaka, battumi ke'nanga ansunnaki anjo anaka. Ero'mi ke'nanga nasare areng Zakharia anjo anaka, sangkamma arenna manggena.

LUKAS 1:31

Latianangko, siagang lammanakko sitau ana' bura'ne, na musti nuarengi Isa.

FILIPI 2:8

Napa'jari tunai KalenNa namannuruki ri Allata'ala sa'genna mate – iamintu mate ri kayu sallika.

MATIUS 3:15

Mingka appialimi Isa Nakana, “Boli'mi kamma rolong ri kamma-kammaya anne. Nasaba' lanri kammana minjo nanigaukang ngaseng sikamma Nakaerokia Allata'ala.” Jari nije'ne'mi Isa ri Yohanes.

MATIUS 1:25

Mingka lalang tenanapa nalassukangi Maria anjo anaka, tenapa nale'ba' sikatinroang Yusuf siagang Maria. Na wattunna lassu'mo anjo anaka, nisaremi areng Isa ri Yusuf.

MATIUS 1:21

Lammanaki sallang Maria sitau ana' bura'ne. Na anjo anaka musti nuarengi sallang Isa, nasaba' Iami sallang lampasalamaki umma'Na battu ri kapanrakanga.”