LUKAS 19:47 - KITTA' MATANGKASA'

⁴⁷ Allo-allona angngajara' Isa lalang ri Balla'Na Batara. Mingka ero'mi nibuno ri imang-imang kapalaya, siagang guru-guru agamaya, kammayatompa ri pamimping-pamimpinna tu Yahudia.

LUKAS 19:47 Referans Kwoze

MARKUS 11:18

Nalangngereki imang-imang kapalaya siagang guru-guru agamaya anjo kana-kananNa Isa. Jari appakkaramulami ke'nanga a'boya akkala' ero' ambunoi Isa. Malla'mi ke'nanga ri Ia, lanri lannasa' ngasemmi taua allangngereki apa-apa Napangngajarranga.

MATIUS 26:55

Nampa Nakanamo Isa ri anjo tau jaia, “Apaka nucini' ja'dalakKa' numassing angngerang kamma pa'dang siagang palu-palu battu anjakkalakKa'? Allo-alloKu angngajara' lalang ri Balla'Na Allata'ala natena nujakkalakKa'!

YOHANES 18:20

Appialimi Isa Nakana, “Tuli silambusu'na bateKu a'bicara ri dallekanna tau jaia. Tuli angngajarakKa' ri sikamma balla' sambayanga siagang Balla'Na Allata'ala, tampa' biasaya napa'rappungi tu Yahudia. Tena le'bakai nia' apa-apa Kupau cokko-cokko.

YOHANES 10:39

Usahami pole ke'nanga ero' anjakkalaki Isa, mingka ta'lappasaki Isa battu ri ke'nanga.

YOHANES 7:44

Nia'mo ero' anjakkalaki Isa, mingka tenanniakka ero' anta'galaKi.

YOHANES 7:19

Sai le'ba'mi napassareang Musa ri kau ngaseng sikamma Naparentakanga Allata'ala? Mingka tenanniakka ri kau ngaseng anggaukangi anjo Naparentakanga. Angngapa nanuero' ngaseng ambunoA'?”

MARKUS 14:1

Ruangallo mami na allo Paska siagang allo Passua'-suarrang Roti Tenaya Nammake Pa'gambang. A'boyami akkala' imang-imang kapalaya siagang guru-guru agamaya sollanna akkulle najakkala' cokko-cokko siagang nabuno Isa.

MARKUS 12:12

Nalangngere'na pamimping-pamimpinna tu Yahudia anjo pangngebaranga naassemmi angkanaya kalenna ke'nanga nataba anjo pangngebaranga. Jari usahami ke'nanga ero' ambunoi Isa. Mingka mallaki ke'nanga ri tau jaia. Jari a'lampami ke'nanga ambokoi Isa.

MATIUS 21:23

Le'baki anjo ammotere'mi Isa mange ri Balla'Na Batara. Antama'mi angngajara' lalang. Sitabanna angngajara', battumi mae ri Ia imang-imang kapalaya siagang pamimping-pamimpinna tu Yahudia. Akkuta'nammi ke'nanga angkana, “Apa passabakkanna nakkulle Nugaukang ngaseng anne? Inai assareKo koasa?”

MARKUS 14:49

Allo-alloKu nia' ri dallekannu angngajara' lalang ri Balla'Na Batara, angngapa natena nujakkalakKa'? Mingka musti kamma memangi anjo kajarianna, sollanna a'rupamo apa niaka tattulisi' lalang ri Kittaka.”

LUKAS 19:48

Mingka lanri tuli jaina tau ampilangngeri kana-kananNa, siagang lanri nangaina ngaseng tau jaia ampilangngeri anjo kana-kana Napabattua Isa, tenamo nakkulle ke'nanga anggappa oloang anggaukangi pattujunna.

LUKAS 20:19

Naassengi guru-guru agamaya siagang imang-imang kapalaya angkanaya kalenna ke'nanga Napitujui Isa anjo pangngebaranga. Jari ero'mi ke'nanga anjakkalaki Isa anjo wattua. Mingka mallaki ke'nanga ri anjo tau jaia.