LUKAS 18:38 - KITTA' MATANGKASA'

³⁸ Akkiok-kio'mi anjo tau butaya nakana, “O Isa, Ana'na Daud! Kamaseang laloa'!”

LUKAS 18:38 Referans Kwoze

MATIUS 9:27

A'lampami Isa battu anjoreng ri tampaka. Na ri tangngana aganga, nia'mo rua tau buta ampinawangi. Akkio'-kioki ke'nanga angkana, “O, Ana'na Daud, Kikamaseangi ikambe anne!”

LUKAS 18:39

Larromi anjo tau a'jappaya ri dallekang siagang nasuromi anjo tau butaya a'mereki. Mingka pila' nalompoimi sa'ranna anjo tau butaya, akkiok-kio' nakana, “O, Ana'na Daud! Kamaseang laloa'!”

MATIUS 15:22

Nia'mo sitau baine tu Kanaan niaka anjoreng ri daeraya battu mae ri Isa akkiok-kio' angkana, “O Ana'na Daud, Kikamaseanga'! Napantamakki setang ana' baineku. Sanna' dudumi sessana!”

ROMA 1:3

Naia bonena anjo Kabara' Bajika iamintu ri passala'na Ana'Na Allata'ala, Batara Isa Almasi. Lalang rupatauna, Iami sossorang battu ri Daud;

PAPPICINI' 22:16

“INakke Isa, Kusuromi malaekakKu mae ri kau ngaseng sollanna napau ngaseng anne passalaka untu' kasalamakkanna sikontu jama'aka. INakkemi sossoranna Daud; iNakkemi anjo bintoeng singaraka, niaka battu raya.”

MATIUS 21:15

Mingka larromi imang-imang kapalaya siagang guru-guru agamaya nacini'na Nagaukang Isa anjo gau' appakalannasaka. Larro tommi ke'nanga nalangngere'na ana'-anaka akkiok-kio' lalang ri Balla'Na Batara angkana, “Nipakalompoi Ana'na Daud!”

MATIUS 21:9

Nampa a'jappa anjo tau jaia ri dallekanNa siagang ribokoNa Isa. Akkiok-kio'mi ke'nanga angkana, “Nipakalompoi Ana'na Daud! Nibarakkakimi battua lalang arenNa Batara! Nipujimi Allata'ala Kaminang Tinggia!”

MATIUS 12:23

Lannasa' ngasemmi siagang angkanami taua, “Maka iaminne Ana'na Daud, le'baka nipa'janjiang?”

YEREMIA 23:5

Nakana Batara, “Lanarapiki sallang wattunna, naKuangka' sitau karaeng adeleka battu ri jari-jarina Daud. Anjo karaenga lacara'deki batena ammarenta, siagang nagaukangi apa adeleka siagang annabaya ri sikontu pa'rasanganga.

YESAYA 11:1

Turunganna Karaeng Daud rapangi poko' kayu le'baka nita'bang. Mingka sanrapang attimbona pole cu'la' berua battu ri tonasa'na, kamma tomminjo lania' sitau karaeng lammumba battu ri turunganna Daud.

PAMMUJI 62:12

Pissiapammi kulangngere' Allata'ala angkana, anjo kakoasanga battu ri Ia,

LUKAS 18:37

Nakanamo ke'nanga ri anjo tau butaya, “Isa, anjo tu Nazaretka, niaki numalo.”