LUKAS 18:19 - KITTA' MATANGKASA'

¹⁹ Akkuta'nammi Isa ri anjo taua Nakana, “Angngapa nanukana bajikKa'? Tena tau baji' pantaranganna Allata'ala.

LUKAS 18:19 Referans Kwoze

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

IBRANI 7:26

Jari, Ia minjo Isa Imang Malompo niparalluanga. Iami Imang matangkasa'; tena sikali kasalang yareka dosa ri KalenNa. Nisa'la'mi battu ri tau dorakaya, na nipanai' ri tampa' tinggianganga na sikontu langika.

AYUB 25:4

Maka akkullei rupataua tangkasa' ri paccini'Na Allata'ala? Maka akkullei ti'no' ri matanNa?

AYUB 14:4

Maka akkullei tau dorakaya appa'nia' apa sukku' baji'na?

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

LUKAS 11:13

Manna pole ja'dala' ngasengko, mingka angngasseng tonjako assare apa-apa baji' mae ri ana'nu. La'biangampa Manggea ri suruga! LaNapassareangi RohNa mae ri tau appalaka ri Ia!”

LUKAS 1:35

Appialimi malaekaka nakana, “Labattui RohNa Allata'ala mae ri kau, siagang laniaki koasaNa Allata'ala anrurungangko. Lanri kammana, anjo ana' lalassuka lanigallaraki Matangkasa', Ana'Na Allata'ala.

LUKAS 18:18

Nia' sitau pamimping tu Yahudi akkuta'nang ri Isa nakana, “O, Pa' Guru, baji' pa'maika, apa musti kugaukang sollanna kugappa katallassang sitojennaya siagang mannannunganga?”

LUKAS 18:20

Nuassemmi sikamma parentaNa Allata'ala, iamintu, ‘Teako a'gau' salimarri, teako ammunoi, teako a'lukkaki, teako assa'bi salai, siagang pakala'biriki anrong-manggenu.’ ”