LUKAS 18:13 - KITTA' MATANGKASA'

¹³ Mingka anjo pasingara' simaya bellai ammenteng siagang tena nabarani acconga nai' ri langika. Napurusu'mi barambanna na nakana, ‘O, Allata'ala, Kikamaseanga', anne inakke tau dorakaya!’ ”

LUKAS 18:13 Referans Kwoze

EZRA 9:6

Kukanamo, “O, Allata'alaku, siri'-sirika' angngangkaki ulungku ri dallekanTa. Dosa-dosana ikambe attambung-tambungi irate ri ulunna ikambe sa'genna narapi' langika.

1 TIMOTIUS 1:15

Kontu tojengi anne bicaraya; jari siratangi nitarima siagang nipatappa' tojeng-tojeng, angkanaya: “Battui Isa Almasi antama' ri anne linoa untu' ampasalamaki tau dorakaya.” Na inakkemi anne tau doraka kaminang ja'dalaka.

PAMMUJI 41:4

Lanitulungi ri Batara ri wattunna garring, siagang lanipammollei ammotere' ri garrinna.

LUKAS 23:48

Sikamma tau jai battua accini'-cini', nacini' ngasemmi anjo apa kajarianga. Massing nasassala' ngasemmi kalenna ke'nanga ri wattunna ammotere'.

IBRANI 8:12

LaKupammopporangi sikamma kasalanna ke'nanga, siagang laKukaluppai dosa-dosana ke'nanga.”

LAMPA-LAMPANA 2:37

Nalangngere'na ngaseng ke'nanga anjo napaua Petrus, sanna' ngasemmi dinging-dinginna atinna ke'nanga. Jari akkuta'nammi ke'nanga ri Petrus siagang anjo tunisuro maraenganga, angkana, “Jari apamo musti nigaukang anne, sari'battang?”

IBRANI 4:16

Lanri kammana, mae mako nakipa'baraniang kalenta andallekang ri Allata'ala, baji' pa'maika ammarenta. LaNakamaseangki' siagang laNabarakkakiki' Allata'ala sollanta akkulle anggappa pannulung ri sitabanna le'ba' wattunna.

ROMA 5:8

Mingka Napappicinikammi pangngamaseanNa Allata'ala mae ri katte, iamintu ri wattu ero'Na Isa Almasi angkamateangki' ri wattunta doraka ngasengija!

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”

PAMMUJI 25:11

O, Batara, Kipammopporanga' situru' janjinTa, saba' lompoi kasalangku.

AYUB 42:6

Lanri kammana anjo, tu'guru' siri'-sirika' punna kuu'rangi sikamma kana-kanangku na kusassala' kalengku ammempoma' lalang ri limbu'buka siagang aua.”

2 KORINTUS 7:11

Alle sai cini' wassele'na si'na situruka ero'Na ri Allata'ala! Iamintu attojeng-tojengko ampakabajiki apa kodia! A'jari numusui dosaya, a'jari mallakko, a'jari nakkukko, a'jari lompoi sumanga'nu, kammayatompa rellako anghukkungi tau salaya! Ilalang yangasenna anjo nupa'buttimi ri kalennu angkanaya tena nanusala mae ri anjo passalaka.

PAMMUJI 25:7

Pammopporangi dosaku siagang kasalangku ri wattu rungkaku, u'rangia' situru' pangngamaseanTa siagang kabajikanTa.

MATIUS 9:13

Pappilajarimi apa battuanna niaka nipau lalang ri Kittaka angkanaya: ‘Pangngamaseang Kukaeroki, jari teai koro'bang olo'-olo'’. Nasaba' iaji Kunia' battu lanri tu dorakaya ero' battu Kukio', jari teai tu tojenga.”

YEHEZKIEL 16:63

LaKupammopporangi kasalannu, mingka takkulleako angkaluppai siagang lasiri'-siriki nusa'ring akkanaya. INakke, Batara Kaminang Tinggia, anne akkana.”

YESAYA 1:18

Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

LUKAS 17:12

Ri wattunna antama' ri se'reang kampong, nia'mo sampulo tau garring sala battu mae ri Ia. Battu bellami ke'nanga ammenteng

DANIEL 9:5

Dorakami ikambe, a'gau' ja'dala'mi ikambe, siagang nagaukammi ikambe kasalanga. Pabali-balimi ikambe siagang nadakkai ikambe parentaTa, kammayatompa ammengkai ikambe battu ri paratorang-paratoranTa.

PAMMUJI 130:7

Manrannuangko mae ri Batara, he umma'Na, saba' Ia tuli mangngamaseanna, siagang tulusu' sadiana ero' appasalama'.

PAMMUJI 119:41

O, Batara, Kipicinikianga' antekamma mangngamaseanTa ri nakke, Kipasalamaka' situru' siagang janjinTa.

PAMMUJI 106:6

Dorakami ikambe sangkamma boe-boena ikambe; a'gau' ja'dala'mi siagang dorakami ikambe.

PAMMUJI 40:12

O, Batara, teaKi' ammari angkamaseanga'; tuli Kijagaia' siagang pangngamaseanTa na tamamminraTa.

2 PATTOTTORANG 33:23

Mingka tena nasangkamma manggena anne Amon, lanri tena naero' ampakatunai kalenna siagang taerokai ammotere' mae ri Batara; ba'lalo la'bi lompoangngangi dosana na dosana manggena.

2 PATTOTTORANG 33:19

Lalang ri kitta' Pau-pauanna Na'bi-na'bia nia' tongi nicata' pappala' doanna Manasye siagang papialinNa Allata'ala mae ri anjo pappala'na, kammayatompa carita ri passala'na dosa-dosa nagaukanga lalang tenanapa natoba', tampa'-tampa' panynyombang barhala siagang patung-patung Dewi Asyera napareka, siagang barhala-barhala nasombaya.

2 SAMUEL 12:13

Nampa nakanamo Daud ri Natan, “Dorakama' mae ri Batara.” Appialimi Natan angkana, “Le'ba' maki' Napammopporang Batara; jari tena kilamate karaeng.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

MATIUS 6:5

“Punna assambayangko, teako sangkammai tau munapeka. Anjo ke'nanga nangai ammenteng assambayang lalang ri balla' sambayanga, yareka ri panyingkulu'na aganga, lanri eroki nicini' ri tau jaia. U'rangi angkanaya iatommi anjo pahalana ke'nanga punna nicini'mo ri tau jaia assambayang. Pantaranganna anjo, tenamo pahala maraeng lanagappa ke'nanga.

MATIUS 10:3

Nampa Filipus siagang Bartolomeus, Tomas siagang Matius pasingara' simaya; kammayatompa Yakobus ana'na Alfeus, siagang Tadeus;

MARKUS 11:25

Siagang punna appala' doangko, mingka tena nasannang nyawanu ri se'reang tau, pammopporangi rolong anjo taua, sollanna Napammopporang tongi Manggenu ri suruga dosa-dosanu. [

LUKAS 22:41

Nampa a'lampa Kale-kalenNa kira-kira nia' sipasambila batu bellana battu ri ke'nanga.

KALAPPASSANG 33:10

Ri wattunna nacini' tu Israel benteng rammanga ri pakke'bu' KemaNa Batara, ammentemmi nampa su'ju' ngaseng ke'nanga massing ri pakke'bu' kemana ke'nanga.