LUKAS 15:27 - KITTA' MATANGKASA'

²⁷ Appialimi anjo palayanga nakana, ‘Niaki ammotere' anditta. Le'ba'mi assurommolong sapi rungka co'mo' manggeta, lanri nagappami ammotere' ana'na siagang salama'!’

LUKAS 15:27 Referans Kwoze

FILEMON 1:16

Kamma-kamma anne teaimi poro pajama-jamannu bawang; mingka la'biangampa pole. A'jarimi paranta tu Karisteng sannaka nikamaseanna. Nasaba' sanna' lompona todong matu-matunna mae ri nakke; la'biangampa pole mae ri kau, tantu la'bi lompoangangi matu-matunna. Baji' na'jari pajama-jama, kammayatompa na'jari sari'battang lanri Batara!

LAMPA-LAMPANA 22:13

Battumi antoakka'. Ammentemmi ri sa'ringku nampa nakana, ‘Sari'battangku Saulus, kamma-kamma anne accini' poleang mako!’ Anjo wattua assailema', nakucini'mo Ananias.

LAMPA-LAMPANA 9:17

A'lampami Ananias mange anjoreng ri ballaka, na napadongko' limanna irateanganna Saulus. Nakana Ananias, “Sari'battangku Saulus, Batara Isa nucinika ri tangngana aganga ri wattunnu mae anrinni, Iami assuroa' battu mae ri kau, sollannu akkulle accini' poleang, siagang nikoasai ri RohNa Allata'ala.”

LUKAS 15:30

Anjo anatta le'ba'mi napa'la'bu'-la'busu' barang-baranta siagang bai'-baine a'gau' salaya. Mingka sikalinna ammotere', ba'lalo kipammolongangi sapi rungka siagang co'moka!’

1 SAMUEL 28:24

Akkaro-karomi anjo bainea anynyamballe sikayu ana' sapi ia co'moka, nampa angngalle labu' nampa naleo', nampa napare' roti tenaya nammake pa'gambang.

MATIUS 22:4

Jari nasuromi pole pala'-palayanna maraenga anjo Karaenga. Napasammi ke'nanga angkana: ‘Pauang ngasengi anjo tau le'baka niburittai angkanaya: Tattala ngasemmi apa-apaya ri passua'-suarrang pa'buntinganna Karaenga. Sikamma sapia siagang sapi rungka kaminang bajika le'ba'mi nisuro polong. Kamma-kamma anne sadia ngasemmi. Umbamo kimange anjoreng assua'-suara' ri pa'buntinganga!’

LUKAS 15:26

Nakio'mi kalase'renna palayanna nampa nakuta'nang nakana, ‘Apa anne nagaukang taua ri balla'?’

LUKAS 15:28

Teaimi sipato' larrona anjo ana' bungasaka. Na taerokamo antama' ri ballaka. Jari assulu'mi manggena anynyonyoki nakio' antama' ri balla'.