LUKAS 14:22 - KITTA' MATANGKASA'

²² Jari a'lampami anjo palayanga. Nale'ba'na nagaukang napassuroanga karaenna, nakanamo anjo palayanga ri anjo karaenga, ‘Le'ba'mi kukio' ngaseng anjo tau kipassuroanga karaeng, mingka jai iji pammempoang tena taunna.’

LUKAS 14:22 Referans Kwoze

YOHANES 14:2

Ri balla'Na ManggeKu jai tampa' pammantangang. ErokkA' a'lampa mange anjoreng ampasadiang ngasengko tampa'. Ka'de' tena nakamma tena oloKu lakkana kamma ri kau ngaseng.

1 YOHANES 2:2

Tete ri Ia minjo Isa Almasi nanipammopporang dosa-dosata. Siagang teai dosa-dosataji bawang, passangalinna dosana pole sikontu rupataua.

KOLOSE 2:9

Nasaba' sikontu batangkalenNa Allata'ala nia'mi lalang ri KalenNa Almasi, iamintu lalang ri ma'rupataua.

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;

PAMMUJI 130:7

Manrannuangko mae ri Batara, he umma'Na, saba' Ia tuli mangngamaseanna, siagang tulusu' sadiana ero' appasalama'.

PAMMUJI 103:6

Napajappai Batara hukkunga siagang kaadelanga mae ri sikontu tau nijallakkanga.

LUKAS 14:21

Jari ammotere'mi anjo palayanga ampauangi karaenna angkanaya takkulleai ke'nanga battu. Sanna'mi larrona anjo karaenga. Nampa nakanamo ri palayanna, ‘A'lampako linta' mange ri agang-agang lompoa siagang ri agang-agang sepe'-sepeka ri kotaya. Kioki siagang erangi mae anrinni tau kasi-asia, tau sala-salanga, tau butaya, siagang tau pesoka.’

LUKAS 14:23

Jari nakanamo anjo karaenga, ‘A'lampamako assulu' ri pantaranganna kotaya, mangeko kioki tau niaka ri agang-agang lompoa, siagang ri sepe'-sepeka; suro ngasemmi ke'nanga battu, sollanna rassi ballakku.