LUKAS 13:32 - KITTA' MATANGKASA'

³² Appialimi Isa Nakana, “Mange mako pauangi anjo tau tenaya matu-matunna angkanaya, ‘Anne alloa siagang ammuko Kubongkai setanga siagang Kuballei tau garringa, mingka ri maka talluna alloa, laKupa'le'baki jama-jamangKu.’

LUKAS 13:32 Referans Kwoze

IBRANI 2:10

Memang siratang memang tongi Allata'ala – le'baka ampa'niaki sikontu apa-apaya situru' apa Nakaerokanga – ampa'jari Isa Pappasalama' sukkuka tete ri kasessanga. Lanri kammanami anjo nakkullemo jai tau Nakio' Allata'ala amminawang nipakalompo siagang Isa. Nasaba' Iami panynyungke oloang mae ri ke'nanga untu' akkulle nipasalama'.

IBRANI 5:9

Jari ri le'ba'namo nipa'jari Tumappasalama', a'jarimi patteteang kasalamakkang mannannungang mae ri sikamma tau mannurukia ri Ia;

IBRANI 7:28

Hukkung agama Yahudia angngangkaki tau tenaya nasukku' baji'na a'jari imang lompo. Mingka ribokoanganna, battu ri ia anjo hukkung-hukkunga appare'mi janji siagang assumpami Allata'ala angkanaya Naangkaki a'jari Imang Malompo, anjo Ana' le'ba'ka nipa'jari Tumappasalama' sukkuka baji'na sa'genna satunggu-tungguna.

YOHANES 10:32

Mingka Nakanamo Isa ri ke'nanga, “Nucini' ngasemmi panggaukang baji' le'baka Kugaukang, situru' tugasa' Napassareanga Manggea ri Nakke. Battu ri yangasenna anjo panggaukanga, kereanga a'jari saba' nanusiratang ansambilA' batu?”

MARKUS 6:14

Sikamma kabara'na anjo kajarianga battu tommi mae ri Karaeng Herodes. Nasaba' a'la'bammi niasseng mange-mange arenNa Isa. Nia'mo tau angkana, “Attallasa' poleammi Yohanes Paje'ne'! Iaminjo saba'na na nia'mo koasana anggaukangi anjo gau'-gau' appakalannasaka.”

ZEFANYA 3:3

Sikamma tumalompona anjo kotaya rapangi singa ammarrung-marrunga sa'ranna. Sikamma hakinga rapangi serigala-serigala cipuruka; sanna' angngoana ke'nanga, sa'genna manna sipappaka buku tenamo nasesa untu' ammuko.

YEHEZKIEL 13:4

He Israel, na'bi-na'binu tena matu-matunna, sangkamma serigala-serigala ammantanga ri tangnga-tangngana rumbanna kotaya.

YOHANES 19:30

Nalepa'mi Isa anjo anggoroka nampa Nakana, “Le'ba'mi!” Nampa a'dundu Isa, natappu'mo nyawaNa.

KELONG MALA'BIRI' 2:15

Jakkalaki anjo olo'-olo' rubaya, ruba-ruba ca'di ammanrakia koko anggoro', saba' sitabangi ta'bakkara' bunga anggoroka ri kokonna ikambe.