LUKAS 13:24 - KITTA' MATANGKASA'

²⁴ “Usaha mako antama' siagang numalo ri pakke'bu' seppaka. Nasaba' u'rangi! Jai sikali tau ero' antama' mingka takkulleai.

LUKAS 13:24 Referans Kwoze

2 PETRUS 1:10

Lanri kammana, sikamma sari'battangku, paralluko pila' nuterassi usahanu sollanna pila' a'jari majarre' anjo pakkio'Na siagang pammileNa Allata'ala mae ri kalennu. Punna nugaukang anjo kammaya, tena nulanipassala.

IBRANI 4:11

Lanri kammana, mae mako nakiattojeng-tojeng usaha untu' antama' ri anjo tampa' pammari-mariang Napa'janjianga Allata'ala. Teako niakki manna sitau tanggappaya sangkamma ke'nanga riolo, lanri tenana natappa' mae ri Allata'ala.

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

YOHANES 6:27

Teako naporo untu' kanre lala'busuka siagang labottokaji bawang nanuanjama-jama. Anjamako untu' kanre tenaya nakkulle botto' siagang akkullea assare katallassang mannannungang. Iaminjo kanre kammaya laNasareangko Ana' Ma'rupataua, nasaba' Iami le'ba' Nalanti' Allata'ala Manggea.”

PANGNGEBARANG 21:25

Lapung tau malasaka taerokai anjama; nabunoi kalenna ri kacinnanna;

ROMA 10:3

Tena naassengi ke'nanga antekamma caraNa Allata'ala ampa'jari bajiki ammotere' passisambunganNa siagang rupataua. Nalanri cara kalenna ke'nanga naturuki, jari tenamo nanaturuki ke'nanga cara Napappicinikanga Allata'ala.

KOLOSE 1:29

Untu' yangasennami anjo passalaka nakuanjama terasa'mo. Usaha tojeng-tojemma' siagang sikontu pakkulle Napassareanga Almasi mae ri nakke; na anjo anjamaya lalang ri kalengku sanna' makoasana.

YOHANES 7:34

LanuboyA' sallang mingka tenamo nukkulle ambuntulukKa'; nasaba' takkulleako battu mange anjoreng ri tampa' Kupammantangia.”

KATO'BA 10:15

Tau toloaji bawang tangngassengai oloanga mange ri balla'na, anjama terasaki na tammari-maria.

YOHANES 8:21

Nakanamo pole Isa ri ke'nanga, “ErokKa' a'lampa sallang, siagang lanuboyA'; mingka lamate ngasengko lanri dosa-dosanu. Ri tampa' laKumangeia, takkulleako mange anjoreng.”

YESAYA 1:15

Punna nupatara limannu appala' doang, tena Kuero' amparhatikangi. TaKujampangiai angkana siapa jaina pappala' doannu, taerokA' ampilangngeri, nasaba' iaminjo limannu jai sikali tau nabuno.

MATIUS 11:12

Battu ri pakkaramula nabirittakanna Yohanes anne kabaraka sa'genna kamma-kamma anne, tuli nisusaina umma'Na Allata'ala battu ri tau eroka angkoasai passai ke'nanga.

PANGNGEBARANG 14:6

Tau tampoa tena nala'jari cara'de', mingka tau cara'deka gampangi appilajara'.

YOHANES 13:33

Ana'-anakKu ngaseng, tenamo naKulasallo ammantang angngagangko. LanuboyA' sallang, mingka sangkamma le'baka Kupau ri pamarentana tu Yahudia, kamma tomminjo Kupau ri kau ngaseng; angkanaya takkulleako mange ri tampa' laKumangeia.

LUKAS 13:23

Nia'mo tau akkuta'nang ri Ia angkana, “Pa', maka sike'de'ji tau lanipasalama'?” Appialimi Isa Nakana,

YOSUA 7:3

ammotere'mi ke'nanga siagang a'laporo'mi mae ri Yosua. Nakana ke'nanga, “Tenaja niparallu a'lampa ngaseng untu' ambunduki anjo kota Ai. Kira-kira ruassa'bumo yareka tallussa'bumo tau kiring mange anjoreng. Tea'mi kiring ngasengi tantaraya mange anjoreng untu' a'bundu', nasaba' anjo kotaya ca'di-ca'diji.”

YOHANES 5:4

Nasaba' nia' wattunna nanaung malaeka'Na Batara ri anjo balanga anggoccangi je'ne'na. Na punna ta'goccang je'neka, inai-nai tau garring kaminang riolo naung ri anjo balanga, iami lammari garrinna, manna pole garring apa.