LUKAS 12:19 - KITTA' MATANGKASA'

¹⁹ Nampa kukana ri kalengku: Upakko kau! Nukammai ngasemmi apa-apa bajika, siagang tenamo nulakala'busang sa'genna attaung-taung. Kamma-kamma anne ammari-mari poso mako! Angnganre-nganre mako, siagang angnginung-nginung mako, kammayatompa kasia'mi baji'-bajika lalang tallasa'nu!’

LUKAS 12:19 Referans Kwoze

PANGNGEBARANG 27:1

Teako lompo bicara ri passala' allo ammukoa, lanri tanuassengai apa lakajarianga sinampe'.

1 KORINTUS 15:32

Punna untu' pakkalinoang bawang nakunisessa angngewai sanrapang olo'-olo' nye'nyereka anrinni ri Efesus, apa passawallang lakugappa? Punna tena memang todong nalanipattallasa' poleang ammotere' tau matea, bajikangangi: “Maeko nakiangnganre-angnginung siagang assannang-sannang, nasaba' ammuko lamate mangkajaki'”; kammami anjo paruntu' kanaya.

YESAYA 5:11

Cilaka mako kau! Battu ri bari'basa' sa'genna bangngi iaji bawang nugaukang angnginunga inungang terasa' siagang nasa'ringa.

KATO'BA 11:9

Kasia' baji'mi wattu karungkannu, he ikau tau rungkaya! Rannu mako ilalang lolonu ija. Rupaimi sikamma nakaerokia nyawanu, gaukamma sikontu naniakkanga pa'mai'nu. Mingka u'rangi, Allata'ala niaka ri suruga, langngadeli ngasengi sikontu apa nugaukanga.

YAKOBUS 5:5

Alla'bi-la'bi mako ri katallassannu, siagang nukasia'mi kasannanganga ri anne linoa. Sanrapangko tau nupakaco'moka kalennu untu' lanisamballe sallang ri allo labattua.

FILIPI 3:19

Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.

PANGNGEBARANG 18:11

Mingka tau kalumanynyanga nakana barang-baranna lanjagai kalenna sanrapang tembo' tinggi siagang kassa' ri tammulilina kotaya.

PAMMUJI 62:10

Rupataua sanrapanji bawang sipa'maikang nappasa', lompo yareka ca'di para tena anggaranna. Punna nitimbangi, a'nassami angkana ringannaja ke'nanga, la'bi ringangi na sipa'maikanga nappasa'.

PAPPICINI' 18:7

Sarei kasessang siagang kasusaang sangkammaya jaina siagang kalompoang nakala'biang nasareangai ri kalenna todong. Nasaba' tuli nakanana mae ri kalenna, ‘Inakke anne karaeng baine ammarentaya! Inakke teaia' janda; tena nalakukasia' nikanaya si'na!’

1 PETRUS 4:3

Ri wattu allaloa, le'ba'mi sallo nugaukang apa nangaia nagaukang tau tenaya natappa' mae ri Batara. Tena nabaji' batenu appanggaukang ri katallassannu. Nuturukiangi hawa napasunu, angnginung-nginungko sa'gennu nasa'ring, assua'-suarakko, angnginung-nginungko siagang appakaringi'-ringikko anynyomba mae ri barhalaya.

2 TIMOTIUS 3:4

Nangai ke'nanga a'bali'ballang, tena nappikkiri' baji' siagang borroi. Lanangaiangangi ke'nanga kasannanganna linoa namannurukia ri Allata'ala.

HOSEA 12:8

Nakana Batara ri bansa Israel, “Jekkong ngasengko sangkamma tu Kanaan; sikamma padanggannu nangai natipu sambalu'na ammake timbangang tenaya nannaba.

YESAYA 22:13

Mingka kabalekanna, ikau assannang-sannang jako siagang assua'-suara' jako. Ammolongko sapi siagang gimbala', angnganre dageng siagang angnginung je'ne' anggoro' nampa akkio' angkana, “Umba ningnganre siagang angnginung, saba' ammuko lamate maki'!”

YESAYA 5:8

Cilakako sikamma ammallia balla' siagang angngalle passaya koko untu' antambai barang-barannu! Tenamo nasallo nacappu' tampaka untu' tau maraenga sa'genna ikau mami ammantang ri anjo pa'rasanganga.

PANGNGEBARANG 23:5

Saba', lalang sipakkida mataji nakkulle lanynya' barang-barannu, sanrapang akka'nyiki nanri'ba' nai' ri allaka sangkamma jangang-jangang rajawali.

AYUB 14:1

Battu ri lassu'na anjo taua lamma memangi, tena kullena; sinampe'ji attallasa' siagang rassi pa'risi' tallasa'na.

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.

1 TIMOTIUS 5:6

Mingka ia janda nangaia assannang-sannang lalang ri katallassanna, sikontutojenna matemi manna pole nattallasa' ija nicini'.

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

LUKAS 16:19

“Nia' se're tau kalumanynyang. Sangnging care-care ka'jala' ballinna napake, siagang sangnging te'nena katallassang allo-allona.

HABAKUK 1:16

Nampa anjo jalaya nasombai ke'nanga siagang nasarei koro'bang, nasaba' lanri iaminjo jalaya nanggappamo ke'nanga dalle' alla'bi-la'bi siagang a'jari kalumanynyang.

PAMMUJI 49:18

Saba' ri wattunna mate takkulleai angngerang apa-apa, talanaerang tongi pa'barang-baranganna naung ri kiburuka.

1 SAMUEL 30:16

Jari niantara'mi ke'nanga mange ri tampa'na anjo garombolanga. Anjo wattua anjo garombolanga tassia'-siaraki ri sikontu anjo tampaka, sitabangi angnganre, angnginung siagang assua'-suara' lompo lanri jaina barang narampasa' naerang ke'nanga battu ri pa'rasangang Filistin siagang Yehuda.

PANGNGEBARANG 10:2

Kakalumanynyangngang nigappaya battu ri akkala' salaya tena nangngerang kaupakkang; kabalekanna, kalambusanga lappasalamaki.

KATO'BA 2:24

Tenamo bajikangngang mae ri rupataua nikanaya angnganre, angnginung siagang angkasiaki wassele' jama-jamanna. Kuassengi angkanaya anjo lagi napassareNaji bawang Allata'ala.

YESAYA 56:12

Sikamma painunga anjo nakana, ‘Umba kingnginung anggoro' sa'genna sukku' pakkasiatta. Ammukoa lala'bi bajikangngangi na anne alloa!’ ”

AMOS 6:13

A'bicara kosongko angkanaya le'ba'mi nubeta Lodebar. A'bicara tongko angkana, “Nia' kagassinganna ikambe untu' angngallei Karnaim.”

LUKAS 12:18

Appikkiri'mi pole, siagang nakanamo ri kalenna, ‘E, nia' akkalakku; bajikangangi punna kusuro rumbangi gudangku, nampa kubangung poleang lompoanganga. Anjoremmi lakuboli' ngaseng asengku siagang barang-barangku maraenga.

PANGNGEBARANG 14:24

Tau cara'deka nipuji lanri kacara'dekanna; tau dongoka alla'bangi niasseng kadongokanna.