LUKAS 12:17 - KITTA' MATANGKASA'

¹⁷ Appakkaramulami appikkiri' anjo tu kalumanynyanga nakana, ‘Tenamo tampa' lakupammoliki wassele'na tanaku. Apa akkalakku kamma-kamma anne?’

LUKAS 12:17 Referans Kwoze

MATIUS 5:42

Punna nia' tau appala' apa-apa ri kau, sare laloi. Siagang teako pattenangi tau eroka angnginrang apa-apa ri kau punna nia'ja ri kau.”

YESAYA 58:7

Bagei kanrenu siagang tau cipuruka, tarimai sikamma tau tenaya balla'na ri balla'nu. Sarei care-care tau assolaraka, siagang teako tollaki sari'battannu punna parallu nitulung.

1 YOHANES 3:16

Battu ri kammanami anne naniassemmo antekamma bateta angkamaseangi paranta tau. Le'ba'mi Napassareang katallassanNa Almasi untu' ikatte. Lanri kammana, musti nipassareang tongi katallassanta untu' sikamma paranta tau!

ROMA 12:13

Tulungi parannu tu Karisteng ampa'gannaki kaparalluanna, siagang pakate'nei atinnu antarimai julu tappa'nu tenaya nuassengi ke'nanga antama' ri balla'nu.

LAMPA-LAMPANA 16:30

Nampa naerang kapala tarungkua assulu' ke'nanga, na nakana, “O Tuang, apa musti kugaukang sollangku nipasalama'?”

LUKAS 19:17

Nakanamo anjo karaenga, ‘Baji'mi! Palayang bajikko! Nasaba' akkulleko nipatappa' ri passala' apa-apa ca'dia, lakupa'jari mako tau koasa ammarenta sampulo kota.’

LUKAS 18:22

Nalangngere'na Isa kananna anjo taua, Nakanamo, “Nia' ija se're passala' musti nugaukang: Balukang ngasengi sikamma pa'barang-barangannu, nampa nupassareang ballinna mae ri tu kasi-asia, na lanugappa pa'barang-barangang niaka ri suruga. Punna le'ba'mo nugaukang anjo kammaya, battu mako mae amminawang ri Nakke.”

LUKAS 16:9

Le'baki anjo, a'bicarami pole Isa Nakana, “Pilangngeri anne! Pa'matu-matui pa'barang-barangannu ri anne linoa a'boya passari'battangang, sollanna punna tenamo anggaranna pa'barang-baranganga ri anne linoa, lanitarima mako ammantang ri pammantangang mannannunganga.

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.

LAMPA-LAMPANA 2:37

Nalangngere'na ngaseng ke'nanga anjo napaua Petrus, sanna' ngasemmi dinging-dinginna atinna ke'nanga. Jari akkuta'nammi ke'nanga ri Petrus siagang anjo tunisuro maraenganga, angkana, “Jari apamo musti nigaukang anne, sari'battang?”

LUKAS 16:3

Jari appikkiri'mi anjo pagawena ammolika doe' nakana, ‘Lanapasulukka' anjama karaengku. Jari apami parallu kugaukang kamma-kamma anne? Erokka' ammingkung anjama tana, natakukullea; lamangea' appala'-pala', nakusiri'-siri'.

LUKAS 12:33

Balukammi barang-barannu, nampa nupassareang ballinna mae ri tu kasi-asia. Appare' mako pammoneang doe' tenaya nalatoa, iamintu barang-barang lanibolika ri suruga. Anjo barang-baranga takkulleai tappela', nasaba' takkulleai nilukka' ri palukkaka, siagang takkulleai nipanraki ri kacoaka.

LUKAS 12:29

Jari, teako ranggaselai yareka teako lippui nawa-nawannu ri passala' lanukanrea siagang lanuinunga.

LUKAS 12:22

Nampa Nakana Isa ri ana'-ana' gurunNa, “Lanri kammana minjo naKukana, ‘Teako ranggaselai ri passala'na katallassannu, iamintu ri passala' lanukanrea, yareka ri passala' apa lanupake.’

LUKAS 11:41

Anjo bageang lalanganna mangko'nu siagang pirinnu, iaminjo musti nupassareang mae ri tu kasi-asia. Punna kammamo anjo batenu, ma'nassa la'jari tangkasa' ngasemmi ri kalennu.

LUKAS 10:25

Nampa nia'mo sitau guru agama battu ero' ampa'boyangi sala Isa. Akkuta'nammi ri Isa nakana, “Bapa' Guru, apa musti kugaukang sollanna akkulle kugappa katallassang satunggu-tunggua?”

LUKAS 3:11

Appialimi Yohanes nakana, “Tau niaka ruang lawara' bajunna, musti napassareangi silawara' mae ri tu tenaya bajunna. Na tau niaka kanrena, musti nabagei tongi tu tenaya kanrena.”

KATO'BA 11:2

Pantamaki modala'nu ri a'rupa-rupaya usaha; a'boyako usaha sipajai-jaina. Saba' parallui taua tutu, ri tenanapa natattuju balaya.

MATIUS 16:7

Nalangngere'na ke'nanga akkana kamma Isa, angkanami ke'nanga para ia todong, “Nakkana kamma anjo nasaba' nikaluppai angngerang roti.”

LUKAS 12:16

Nampa Nacarita Isa anne pangngebaranga Nakana, “Nia' sitau tu kalumanynyang. Nia' tanana, sannaka jaina wassele'na.

LUKAS 12:18

Appikkiri'mi pole, siagang nakanamo ri kalenna, ‘E, nia' akkalakku; bajikangangi punna kusuro rumbangi gudangku, nampa kubangung poleang lompoanganga. Anjoremmi lakuboli' ngaseng asengku siagang barang-barangku maraenga.