LUKAS 12:15 - KITTA' MATANGKASA'

¹⁵ Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

LUKAS 12:15 Referans Kwoze

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”

PANGNGEBARANG 15:16

Bajikangngangi sike'deka barang-barang mingka mallakki' ri Batara, kala jai barang mingka tuli lussaki pa'maika.

PANGNGEBARANG 16:16

Bella' la'bi baji'na anggappaya kacara'dekang kala anggappaya bulaeng; la'bi lompoangngangi anggaranna anggappaya pangngassengang kala anggappaya pera'.

2 TIMOTIUS 3:2

Massing kaparalluang kalenna mami lanaondang rupataua; massing angngondang dudui doe', tampoi siagang nangai a'bicara kosonga. Nangai ke'nanga nahina taua, naewai tau toana, tangngassengai appala' sukkuru', siagang nakabirisi nikanaya katallassang rohani.

LUKAS 16:14

Nalangngere' ngasengi tu Farisia sikamma Napaua Isa. Nikakkalimi Isa ri ke'nanga, lanri nangaina ke'nanga doeka.

KOLOSE 3:5

Lanri kammana, bunomi sikontu ero' pakkalinoannu, tuli ansusaiyai kalennu; kammaya pa'gau' bawanganga, kabamballanga, hawa napasua, cinnaya a'gau' ja'dala', siagang kangoang (nasaba' anjo angngoaya sangkammai siagang anynyombaya barhala).

LUKAS 8:14

Anjo bine takkioroka ri tangnga-tangngana rompo'-rompo' akkatintinga, iaminjo pangngebaranna tau allangngerekai anjo kabaraka, mingka ranggaselai ri passala' katallassanna ke'nanga, siagang cinnai a'jari sannang nakkalumanynyang ilalang ri anne linoa. Yangaseng minjo angngepeki ke'nanga, sa'genna takkulleai ke'nanga a'rappo baji'.

PAMMUJI 62:10

Rupataua sanrapanji bawang sipa'maikang nappasa', lompo yareka ca'di para tena anggaranna. Punna nitimbangi, a'nassami angkana ringannaja ke'nanga, la'bi ringangi na sipa'maikanga nappasa'.

PAMMUJI 37:16

Apa sike'de' napatanga tu bajika lompoangangi anggaranna nakala'bianna tu ja'dalaka.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

MARKUS 7:22

a'gau' salimara', annipu, appitina, siagang anggaukangi sikamma apa-apa ja'dalaka, ampa'jari taua angngoa, tenangngasseng atorang, assereati, tampo, kammayatompa susai niajara'.

HABAKUK 2:9

Nitunraiko ikau! Nupa'jari kalumanynyangi kaluarganu battu ri passawallang nugappaya lanri gau' palla'nu, sollanna balla' kalennu a'jari amang siagang bellai battu ri kasusaanga siagang balaya.

PAMMUJI 10:3

A'bicara borroi tu ja'dalaka untu' kaerokang ja'dala'na, tau angngoaya natunrai siagang natollaki Batara.

AYUB 2:4

Mingka appialimi lapung Panggoda angkana, “Nyawana siagang pakkamalena tubua la'bi lompoangngangi anggaranna na pa'barang-barangnganga. Rellai rupataua angkoro'bangkangi sikontu apa-apanna, assala' akkullei tulusu' attallasa'.

YOSUA 7:21

Ri alla'na barang-barang niallea, nia' kucini' juba sanna' ga'gana, pare' Babilonia, pera' kira-kira nia' rua kilo battala'na, siagang bulaeng sipolong kira-kira la'bi sitangnga kilo battala'na. Ero' dudua' ri anjo barang-baranga, jari kuallemi siagang kucokkoi lalang ri buttaya ri kemaku; rawa dudui pera'na kuboli'.”

1 KORINTUS 6:10

inai-nai a'lukka', angngoa, siagang painung, inai-nai nangai ambicara kodi paranna tau siagang ampaccoki paranna tau – yangasemmi anjo tau kammaya takkullea a'jari umma'Na Allata'ala.

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

MIKHA 2:2

Punna ero' ke'nanga ri se'reang koko, narampasaki ke'nanga. Punna eroki ke'nanga ri se'reang balla' naalle passai. Baji' barang-baranga kammayatompa kaluargaya tena nia' amang.

YEREMIA 6:13

Yangasenna ke'nanga, ca'di lompo, massing kaparalluang kalenna naboya lalang panggaukang tenaya nalambusu'. Ba'lalo manna na'bia siagang imanga annipu tongi tau.

PANGNGEBARANG 28:16

Tukoasa anjallakkangai tau maraenga, tena akkala' baji'na; tukoasa birisika ri kajekkonganga lattaung taungi ammarenta.

2 PETRUS 2:14

Nasaba' tenamo lanrena ke'nanga a'gau' dosa, sa'genna ia mami pangngainna ke'nanga iamintu ancinikia tojengi baine pagau' bawanga. Na nanyonyo'mo tau beru tappaka siagang tau tenaya najarre' tappa'na. Le'ba' a'jari biasami atinna ke'nanga ri kangoanga. Anjo ke'nanga sangnging tau langgappa pangngalarroi!

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

LUKAS 12:16

Nampa Nacarita Isa anne pangngebaranga Nakana, “Nia' sitau tu kalumanynyang. Nia' tanana, sannaka jaina wassele'na.

1 KARAENG-KARAENG 2:40

napatabami pa'lapa' keledaina nampa a'lampa mange ri Karaeng Akhis ri Gat untu' amboyai anjo ruaya atanna. Nabuntulu'mi ke'nanga nampa naerang ammotere'.