LUKAS 12:14 - KITTA' MATANGKASA'

¹⁴ Appialimi Isa Nakana, “E, sari'battang, inai angngangkaKa' a'jari haking, lambage-bageangko warisi'nu sipa'rua?”

LUKAS 12:14 Referans Kwoze

ROMA 2:3

Mingka ikau ngaseng sikamma sari'battangku, ikau pole anggaukang tongi anjo apa-apa nucallaya nagaukang tau maraenga. Gassingka nukana lakkulleko ta'lappasa' battu ri pangngalarroiNa Allata'ala?

ROMA 9:20

Mingka ikau sari'battang, tau biasajako bawang! Takkulleako barani appiali mae ri Allata'ala! Maka akkullei se'rea pammantangang bunga mae ri tau amparekai, angkana, “Apa saba'na nanupare' kamma' anne?”

ROMA 2:1

Lanri kammana, sari'battangku ngaseng, inaiko kutadeng antu sa'gennu akkulle ampasalai tau maraenga? Tena sikali apa-apa ri kau untu' akkulle ampattojengi kalennu! Nasaba' punna nupasala parannu tau, padahala' kalennu anggaukangi anjo apa-apa nagaukanga ke'nanga, ikau tommi ampabattui hukkunganga mae ri kalennu.

KALAPPASSANG 2:14

Appialimi anjo taua angkana, “Inai angngangkakko a'jari pamimping siagang haking mae ri kambe? Ero' tongko ambuno tonga' sangkamma anjo tu Mesirka nubunoa?” A'jari malla'mi Musa siagang napikkiriki angkana, “Ballasa'ma! Naassemmi taua anjo panggaukangku.”

YOHANES 8:11

Appialimi anjo bainea nakana, “Tena, Pa'.” Nakanamo Isa, “Baji'mi; iNakke tena todong Kusalakangko. Kamma-kamma anne a'lampamako, mingka teako a'gau' dosai pole.”]

YOHANES 6:15

Naassengi Isa angkanaya battui ke'nanga ero' ampassai a'jari karaeng Isa mae ri ke'nanga. Lanri kammana, a'lampami Isa alliliangi KalenNa ri daera a'bonto-bontoa.

LUKAS 5:20

Ri wattunna Nacini' Isa antekamma tappa'na ke'nanga, Nakanamo ri anjo tau pesoka, “Sari'battang, nipammopporammi dosanu.”

MIKHA 6:8

Tena! Le'ba'mi Napa'nyata Batara mae ri katte apa bajika. Ia Natuntuka battu ri katte iamintu sollanta a'gau' adele', tuli nigaukangi mangngamaseanga, siagang nipakatuna tallasatta asse're mae ri Allata'alata.

LUKAS 22:58

Tena nasallo, nia'mo pole tau maraeng anciniki Petrus, siagang nakana, “Ikau pole, kalase'rennako ke'nanga!” Mingka appialimi Petrus nakana, “Tena, teai inakke!”

LUKAS 12:13

Nia'mo kalase'renna anjo tau jaia angkana ri Isa, nakana, “Bapa' Guru, Kipauang sai sari'battangku nanasareanga' tawaruanna warisi'na manggeku.”