LUKAS 12:1 - KITTA' MATANGKASA'

¹ Anjo wattua assa'bu-sa'bui jaina tau battu. Assiassa'-assa'mi ke'nanga, sa'genna nia'mo tau nionjokang bangkenna. Lalang a'lipunnamo taua, Nakanamo Isa ri ana'-ana' gurunNa, “Tutuko mae ri pa'gambanna tu Farisia. Battuanna kanangKu, tutuko mae ri sipa'-sipa' munape'na ke'nanga.

LUKAS 12:1 Referans Kwoze

1 PETRUS 2:1

Lanri kammana, pela'mi sikontu apa ja'dalaka battu ri kalennu; tea' mako a'balle-ballei pole, siagang tea' mako assara-sarai. Teako pakimburui, siagang teako hinai parannu tau.

YAKOBUS 3:17

Mingka inai ampatangi kacara'dekang battu ratea ri suruga, iami maci'nong, nangai assiamaka, sombereki, siagang mappilangngeri. Iami sanna' jaina pangngamaseanna siagang a'nyatami panggaukang-panggaukang baji'na. Tena nabattala' siali, siagang tena nangai assara-sarai.

LUKAS 12:56

Ikau nungai ngasengi assara-saraia. Akkulle ngasengko ambatei kabattuanna bosia siagang bambang alloa punna nucini' langika siagang linoa. Apa saba'na natakkullea nubatei pammateina jammanga ri kamma-kammaya anne?”

AYUB 36:13

Tau tenaya nale'ba' nia' Batarana, lammoliki larro; manna nihukkung ri Batara, taerokai ke'nanga appala' bantuang.

AYUB 27:8

Maka nia' panrannuanna tau kumbalaka ri wattunna Natuntu' Allata'ala nyawana?

AYUB 20:5

karannuanna tau ja'dalaka poro sinampe'ji bawang, siagang kasannanganna tau dorakaya sipakkida mataji?

2 KARAENG-KARAENG 7:17

Sitabangi anjo wattua pambantu kalenna karaenga tugasa' anjagai pakke'bu' lompona kotaya. Matemi anjoreng nionjo'-onjokang ri ra'yaka. Kajariammi anjo kammaya situru' kana le'baka napau Elisa mae ri karaenga ri wattunna battu karaenga mae ri ia.

1 KORINTUS 15:3

Anjo apa kupabattua mae ri kau, apa le'baka tonji kutarima. Ia kaminang parallua, kamma tattulisika lalang ri Kittaka, iamintu kupabattumi mae ri kau ngaseng angkanaya matemi Almasi lanri dosa-dosata ngaseng;

LAMPA-LAMPANA 21:20

Le'baki nalangngere' ke'nanga anjo caritana Paulus, ammuji-muji ngasemmi ke'nanga mae ri Allata'ala. Nampa nakanamo ke'nanga ri Paulus, “Paulus! Parallui nuasseng sari'battang, angkanaya assa'bu-sa'bumi tu Yahudi a'jari tappa' ri Isa. Najarre' ngaseng ke'nanga angkatutui sikamma parentaNa Allata'ala, le'baka napabattu Musa.

LUKAS 11:44

Cilaka ngaseng mako! Nasaba' sanrapangko jera' tenaya mesanna, nionjo'-onjokanga ri taua natanaassenga taua.”

LUKAS 6:17

Le'baki anjo naummi Isa siagang tunisuroNa battu ri anjo bontoa, nampa ammantang ri se'reang parang lapparaka. Jai anjoreng ana'-ana' gurunNa maraenga, kammayatompa jai tommi tau battu a'rappungang, battu ri kere-keremae: tu battu ri sikontu pa'rasangang Yudea, Yerusalem, kota-kota Tirus, siagang Sidon kota anjorenga ri biring tamparanga.

LUKAS 5:15

Mingka pila' tassiara'mi kabara'Na Isa ri kere-keremae. Jaimi tau battu ero' ampilangngeri apa Napabattua, siagang ero' assuro ballei garrinna ke'nanga.

LUKAS 5:1

Nia' se're wattu nammenteng Isa ri biring Tamparang Genesaret. Jai tau assiassa'-assa', battu ero' allangngereki biritta battua ri Allata'ala.

YESAYA 33:14

Sikamma tau dorakaya ri Sion lannekkereki napakamma malla'. Nakana ke'nanga, “KaputusanNa Allata'ala rapangi pepe' a'rinraya sa'genna satunggu-tungguna. Maka nia' tau akkulle attahang lalang ri anjo pepe' appakaancuruka?”

IBRANI 12:22

Mingka ikau, battu mako ri Bulu' Sion siagang kotaNa Allata'ala assarea katallassang, iamintu kota Yerusalem niaka ri suruga siagang assa'bu-sa'bu malaeka'na.