LUKAS 11:54 - KITTA' MATANGKASA'

⁵⁴ Nalalang kammana anjo napilangngeri baji'-baji'mi ke'nanga sollanna akkulle najakkala' kananNa Isa punna sala bicarai.

LUKAS 11:54 Referans Kwoze

MARKUS 12:13

Nia' siapa are tu Farisi siagang siapa are taunna Herodes nisuro mae akkuta'nang ri Isa, ero' napa'boyang kasalang.

MATIUS 22:35

Nia'mo kalase'renna ke'nanga iamintu sitau guru agama, ero' ancoba-coba ampa'boyangi sala Isa. Nakuta'nammi Isa nakana,

MATIUS 22:15

Le'baki anjo a'lampami tu Farisia sipa'bicara; eroki ke'nanga a'boya pakkuta'nang sollanna akkulle nakuta'nang Isa nasala pappialinNa.

LUKAS 20:20

Jari a'boyami ke'nanga kasampatang baji'. Nia'mo se're tau nagaji ke'nanga sollanna assara-sarai a'jari tau lambusu' pa'mai', nampa nasuro anjo taua mange akkuta'nang siagang ampa'boyangi kasalang Isa. Napa'boyangi kasalang Isa, sollanna akkulle ke'nanga a'jamma' mae ri kakoasanna guburnurka, nanijakkala' Isa.

MARKUS 3:2

Na nia' todong anjoreng siapa are tau eroka amboyai kasalanNa Isa, sollanna akkulle natuntu'. Jari nacinikimi ke'nanga, gassingka Naballei Isa anjo taua ri allo Pammari-marianga.

MATIUS 22:18

Mingka Naassemmi Isa pikkirang ja'dala'na ke'nanga. Jari Nakanamo ri ke'nanga, “E, tu munape'! Angngapa nuero' ampa'boyangA' sala?

2 KARAENG-KARAENG 5:7

Ri wattunna nabaca karaeng Israel anjo suraka, nakekke'-kekke'mi pakeanna napakamma lussa', na nakana, “Ballasa'ma' nakke! Apa saba'na nanapala' karaeng Siria sollanna kupammolle anne taua? Teai inakke Allata'ala, Ia niaka koasaNa untu' ampattallasaki yareka ampamatei rupa taua. Ma'nassa ero'naja anjo karaeng Siria a'boya pa'bettesang mae ri nakke!”

LUKAS 11:53

Ri wattunna a'lampamo Isa ambokoi anjo tampaka, sanna'mi nicallana Isa ri guru-guru agamaya siagang tu Farisia. Appakkaramulami ke'nanga angngeppangi Isa sollanna pila' a'rupa-rupami pole Nabicara Isa, nakkulle sala bicaraNa.

LUKAS 20:26

Ma'nassa tena sikalimo nakkulle ke'nanga ampanggappangi kasalang Isa ri dallekanna tau jaia. A'mereki mami takkajannang ke'nanga allangngereki anjo pappialinNa Isa.

LAMPA-LAMPANA 23:21

Mingka teaki' turukiangi pappala'na ke'nanga, nasaba' nia' tau la'bi patampulo accokko ero' anruppai Paulus ri aganga. Le'ba' ngasemmi ke'nanga assumpa angkanaya talangnganreai siagang talangnginungai ke'nanga punna tanabunoapi Paulus. Kamma-kamma anne sadia memammi attayang ke'nanga; kabara' pappialinta mami natayang ke'nanga.”