LUKAS 11:50 - KITTA' MATANGKASA'

⁵⁰ Kammaminjo Nagaukang Allata'ala, sollanna akkulle nihukkung taua ri anne jammanga, lanri pammunoang le'baka nagaukang ke'nanga mae ri na'bi-na'bia, appakkaramula ri wattunna nipa'jari linoa.

LUKAS 11:50 Referans Kwoze

2 KARAENG-KARAENG 24:4

la'biangampa lanri sikontu pammunoang nagaukanga mae ri sikamma tau tenaya nasala. Tena Naero' Batara ampamopporangi Manasye lanri anjo panggaukang-panggaukang kammana.

YEREMIA 51:56

Battui ke'nanga untu' ampanraki Babel, anjakkalaki tantara-tantarana siagang antepoki sanjatana ke'nanga. INakkemi Batara anghukkungi ke'nanga kaja'dallanna, siagang Babel laKubalasaki situru' siagang panggaukanna.

YEREMIA 7:29

Nakana Batara, “He pandudu' Yerusalem, susa mako! Polongi uu'nu nampa nupela'! Akkelongko kelong-kelong karru' irate ri coppo'-coppo' buluka, nasaba' iNakke, Batara larro siagang Kusorongboko ngasengko.

YESAYA 26:21

Laturungi Batara battu ri pammantanganNa ri suruga untu' anghukkungi linoa siagang pandudu'na lanri dosana ke'nanga. Pammunoang le'baka nagaukang cokko-cokko ke'nanga lanisungke ngasengi. Tenamo nalanitongko' ri butta sikamma tau mate nibunoa.

PAMMUJI 9:12

Pujimi Batara ammarentaya ri Sion! Caritai bate pare'Na mae ri bansa-bansaya!

PAMMILANGNGANG 35:33

Punna nugaukangi anjo kammaya, nura'massimi butta nupammantangngia. Anjo pammunoanga nara'massi pa'rasanganga; jari tena cara maraeng untu' antangkasi anjo pa'rasanganga pantaranganna angkanaya musti niallei nyawana anjo tau ammunoa.

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

PA'JARIANG 4:2

Nampa ammana'mo pole Hawa sitau ana' bura'ne, niarenga Habel. Habel a'jari pakalawaki gimbala', mingka Kain a'jari pamarri.

MATIUS 25:34

Nampa laNakana anjo Karaenga mae ri anjo tau niaka ri sa'ri kananNa, ‘Mae ngaseng mako kau tu nibarakkakia ri ManggeKu. Antama' mako ri Tampa' le'baka nipasadiang memangko ri uru nia'na linoa.