LUKAS 11:10 - KITTA' MATANGKASA'

¹⁰ Nasaba' inai-nai appala', iami lannarima; inai-nai a'boya, iami langgappa; inai-nai a'de'de' pakke'bu', iami lanisungkeang pakke'bu'.

LUKAS 11:10 Referans Kwoze

YAKOBUS 4:3

Siagang manna pole le'ba' mako appala', mingka tena nunggappa, lanri salai pattujunnu; anjo apa nupalaka sangnging untu' kasannangang kalennu bawang.

PIRAUNG 3:18

Takuassengami nikanaya masahoro', lanynya'mi panrannuangku ri Batara.

PAMMUJI 31:22

Nipujimi Batara! Tamaka appakalannasa'na pangngamaseanNa mae ri nakke, wattungku nikatulung siagang nibunduki.

YAKOBUS 5:11

Nigallara'mi ke'nanga tau sunggu, lanri sa'bara'na ke'nanga. Nulangngere' tommi kasa'barranna Ayub, siagang nuasseng tommi antekamma batena nibarakkaki ri Batara, ri kale'bakkanna. Nasaba' teai sipato' baji' pa'mai'Na siagang lompo pangngamaseanNa Batara.

LUKAS 18:1

Le'baki anjo Nacaritami Isa se'rea pangngebarang, ero' Naajara' ana'-ana' gurunNa sollanna tuli appala' doang siagang tena natappu' panrannuang.

PIRAUNG 3:8

Ammarranga' appala' tulung, mingka taerokai Allata'ala ampilangngeria'.

MATIUS 5:42

Punna nia' tau appala' apa-apa ri kau, sare laloi. Siagang teako pattenangi tau eroka angnginrang apa-apa ri kau punna nia'ja ri kau.”

MATIUS 7:8

Nasaba' inai-nai appala', iami lanisare; inai-nai a'boya, iami langgappa; siagang inai-nai ande'de' pakke'bu', iami lanisungkeang.

LUKAS 11:9

Jari Kukanamo anne ri kau: Appala' mako nulanisare; a'boya mako nulanggappa; de'de'mi pakke'buka, nulanisungkeang pakke'bu'.

LUKAS 11:11

Inai mangge ri kau assarei ulara' ana'na punna appala' juku'?