LUKAS 11:1 - KITTA' MATANGKASA'

¹ Nia' se're allo Nappala' doang Isa ri se'reang tampa'. Le'ba'na appala' doang, nia'mo kalase'renna ana' gurunNa angkana ri Ia nakana, “O Batara, Kiajara' sai ikambe appala' doang, sangkamma Yohanes naajaraki ana'-ana' gurunna appala' doang.”

LUKAS 11:1 Referans Kwoze

PAMMUJI 19:14

Pakabella' battu ri dosa kusangajakkia, teaKi' lappassangngia' nikoasai. Nakuma'jari tena callangku, kuta'lappasa' battu ri gau' sala lompoa.

YUDAS 1:20

Mingka ikau ngaseng, sikamma sari'battangku, parallui tuli nupakajarre' turus katappakkannu mae ri Isa Almasi; anjo tappa'nu sanna' tangkasa'na. Na lalang kammana anjo appala' doangko siagang koasa RohNa Allata'ala;

LUKAS 6:12

Anjo wattua naiki Isa ri se'reang bonto, untu' appala' doang. Appala' doangi anjoreng sipattang bujuru'.

LUKAS 9:18

Ri se'reang allo, ri wattunna appala' doang Isa Kale-kalenNa, battumi ana'-ana' gurunNa mae ri Ia. Akkuta'nammi Isa mae ri ke'nanga Nakana, “Turu' kananna taua, inaiA' anne?”

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

LUKAS 9:28

Kira-kira sidaminggu le'ba'na Napangngajarrang Isa sikamma anjo passalaka, Naerammi Petrus, Yohanes, siagang Yakobus nai' ri se'reang bulu' untu' appala' doang.

PAMMUJI 10:17

Batara, Kipilangngeri pappala' doanna tau tunaya na Kipakajarre' pa'mai'na ke'nanga.

LUKAS 7:13

Tu'guru'mi pangngamaseanNa Isa anciniki anjo jandaya. Nakanamo ri ia, “Teaki' angngarruki bu'!”

LUKAS 7:19

nampa nasuro ke'nanga mange akkuta'nang ri Isa angkana, “Maka iKatte mintu tu labattua situru' Napa'janjianga Allata'ala? Yareka musti lattayangki' maraengannaya?”

LUKAS 10:42

Sikontutojenna nia' se're passala' la'bi parallu. Na iaminjo se'rea, sannaka baji'na siagang sannaka paralluna le'ba' napilei Maria, tenaya nalatappela'!”

LUKAS 11:2

Jari Nakanamo Isa ri ke'nanga, “Punna appala' doangko, kammaminne batenu a'bicara, ‘Manggea, IKattemi Allata'ala Tenaya Ruanna. Poro iKatte nisomba siagang nipakala'biri'.