LUKAS 10:31 - KITTA' MATANGKASA'

³¹ Sitabangi nia' todong sitau imang a'jappa anjoreng ri aganga. Nacini'na anjo taua, a'lilimi nampa napatulusu' jappana.

LUKAS 10:31 Referans Kwoze

PAMMUJI 69:20

Kiassengi antekamma bateku nicalla, nihina siagang nipakkanai, Kicini' ngasengi sikontu musungku.

MALEAKHI 1:10

Nakana Batara Kaminang Koasaya, “Bajikangngangi nitongko' pakke'bu' BallakKu, nasaba' tena matu-matunnu apparinra pepe' irate ri tampa' pakkoro'bangngangKu. Tena nakungaiKo, siagang tena nalaKutarima passarenu.

HOSEA 6:9

Imang-imanga ri anjo kotaya rapangi pa'gompoang paella' eroka angngadangi tau ammaloa. Manna ri oloang mangea ri tampa' matangkasaka ri Sikhem nagaukang tonji ke'nanga pammunoanga! Sikontu anjo kaja'dallanna ke'nanga napakkunjungiangi nagaukang.

HOSEA 5:1

Nakanana Batara, “Pilangngeri, he sikamma imanga! Parhatikangi, he tu Israel! Pilangngeri, he jari-jarina karaenga! Le'ba'mi nipattantu hukkunganga mae ri kau. Nasaba', mustina adelekko angngadeli, mingka kabalekanna a'jari mako rapang tado' ri Mizpa, rapang sikko' nitannanga ri Bulu' Tabor,

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

KATO'BA 9:11

Nia' pole kucini' ri anne linoa: teai tuli kaminang gassinga lari ammeta ri pa'lumbanga, teai tuli tau kassaka ammeta ri pa'bundukanga. Tena natuli anggappa pa'boya-boyang tau cara'deka. Na tau taranga pikkiranna tena natuli anggappa kakalumanynyangang. Kammayatompa natuli masahoro' tau porea. Saba' manna inai akkulle tonji natuju dalle' siala'.

PANGNGEBARANG 21:13

Inai taeroka mappilangngeri ri kunrarenna tau kakuranganga, tena todong nalaniparhatikang punna appala' tulung.

PAMMUJI 142:4

Ri wattu sike'de' mami kutappu' minasa, Kiassengi angkana apa musti kugaukang. Ri oloang mustia kulaloi, a'mere'-mereki musua attannang sikko' untu' inakke.

RUT 2:3

Jari a'lampami Rut mange ri kokoa, namminawang ri pakattoa anrappung gandung tu'guruka. Sitabangi a'lampa mange ri kokonna Boas.

2 SAMUEL 1:6

Appialimi angkana, “Sitabang le'baki nia' atanta ri Moncong Gilboa, nanacini' atanta Saul ammanjeng ri pokena, nampa a'reppese'mo kareta-karetana siagang tantara pajaranna musua ero' angkurungi.

YESAYA 58:7

Bagei kanrenu siagang tau cipuruka, tarimai sikamma tau tenaya balla'na ri balla'nu. Sarei care-care tau assolaraka, siagang teako tollaki sari'battannu punna parallu nitulung.

LUKAS 10:30

Appialimi Isa Nakana, “Nia' sitau bura'ne a'lampa battu ri Yerusalem naung ri Yerikho. Ri tangngana aganga, niruppaimi ri paella', nanialleang ngaseng apa-apanna, siagang niba'ji nipasitangnga-mate; nampa nibokoi tappalengang ri aganga, sanna' jaina loko'na.

LUKAS 10:32

Kamma tomminjo, nia' sitau tu Lewi a'jappa anjoreng ri aganga; ri wattunna nacini' anjo taua tappalengang ri aganga, a'reppese'mi ero' anciniki bajiki anjo taua; mingka kale'bakkanna a'lili tommi nampa napatulusu' jappana.