LUKAS 10:30 - KITTA' MATANGKASA'

³⁰ Appialimi Isa Nakana, “Nia' sitau bura'ne a'lampa battu ri Yerusalem naung ri Yerikho. Ri tangngana aganga, niruppaimi ri paella', nanialleang ngaseng apa-apanna, siagang niba'ji nipasitangnga-mate; nampa nibokoi tappalengang ri aganga, sanna' jaina loko'na.

LUKAS 10:30 Referans Kwoze

PAMMUJI 88:4

Nitujua' ri jai kasusaang; nia'mi ri pakke'buka kamateanga.

LUKAS 18:31

Napa'rappungammi Isa ana'-ana' gurunNa ri tampa' anynya'laka. Nampa Nakana ri ke'nanga, “Pilangngeri! Kamma-kamma anne a'lampaki' mange ri kota Yerusalem. Anjoreng lakajariammi sikamma apa le'baka natulisi' na'bi-na'bia ri passala'na Ana' Ma'rupataua.

LUKAS 19:28

Le'ba'na Napau Isa sikammaya anjo passalaka, a'jappa riolomi ri dallekanna ke'nanga, ero' a'lampa mange ri Yerusalem.

YEHEZKIEL 30:24

Nampa laKukassakki paling-palinna karaeng Babel, siagang Kuboliki pa'dangKu ri limanna. Mingka paling-palinna karaeng Mesir laKutepoki sa'genna lakkunrareng na mate ri dallekanna karaeng Babel, musunna.

YEREMIA 51:52

Jari, parhatikangi anne kanangKu. Lanarapiki sallang wattunna nalaKuhukkung barhala-barhalana Babel. Ri sikontu anjo pa'rasanganga lania' kalangngerang sa'ra tau akkunrareng lanri loko' sanna'.

PIRAUNG 2:12

Posomi ke'nanga angngarru' appala' kanre na je'ne' inung ri anronna. Rapang tau loko' anra'baya ri tangngana aganga nampa mate niriwa ri anronna.

LUKAS 10:31

Sitabangi nia' todong sitau imang a'jappa anjoreng ri aganga. Nacini'na anjo taua, a'lilimi nampa napatulusu' jappana.