LUKAS 10:28 - KITTA' MATANGKASA'

²⁸ Nakanamo Isa, “Annabami antu pappialinnu. Gaukang ngaseng minjo na nuattallasa'.”

LUKAS 10:28 Referans Kwoze

YEHEZKIEL 20:11

Anjoreng Kusarei ke'nanga parenta-parentaKu siagang Kupangngajarrangi mae ri ke'nanga hukkung-hukkungKu mustia naturuki ke'nanga, nasaba' inai-nai anturuki iami latuli attallasa'.

KAIMANGNGANG 18:5

Turuki paratorang-paratoranga siagang hukkung-hukkung Kupassareanga mae ri kau. Punna nugaukangi kammaya anjo, lasalamakko lalang tallasa'nu. INakkemi Batara.”

MATIUS 19:17

Appialimi Isa Nakana, “Angngapa nukkuta'nang ri Nakke ri passala' apa bajika? Se'reji bawang baji'. Punna erokko salama', turukimi sikamma apa Napassuroanga Allata'ala.”

NEHEMIA 9:29

Kipakaingaki ke'nanga sollanna naturuki pangngajaratTa, mingka borroi ke'nanga na natolla' hukkunTa. Nama'nassana, punna nigaukang hukkunTa, mattantu lanikatutui katallassanga. Kapala batui na terasa' nyawa ke'nanga, taeroka mappilangngeri, taeroka mannuruki.

GALATIA 3:12

Mingka anjo hukkung-hukkung agamaya tena natanjeng mae ri katappakkanga. Nia' tattulisi' lalang ri Kittaka angkanaya inai-nai anggaukangi hukkung-hukkung agamaya, lanri iatommi anjo hukkung agamaya nattallasa'.

ROMA 10:4

Anjo hukkung-hukkung agamaya le'ba'mi Napa'ganna' Almasi. Jari inai-nai tappa' mae ri Almasi, a'jari baji'mi ammotere' passisambunganna siagang Allata'ala.

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

LUKAS 7:43

Appialimi Simon nakana, “Kukira ia anjo kaminang jaia inranna na tanipabayarra!” Appialimi Isa Nakana, “Annaba sikali panggappanu.”

MARKUS 12:34

Baji' sikalimi Nalangngere' Isa batena appiali anjo guru agamaya. Jari Nakanamo Isa ri ia, “A'birimmako a'jari umma'Na Allata'ala.” Le'baki anjo tenamo manna sitau barani akkuta'nang pole ri Isa.

YEHEZKIEL 20:21

Mingka anjo tau rungka-rungkaya tena todong namappilangngeri ri Nakke. Nadakkai ke'nanga hukkung-hukkungKu siagang nabalang parekangi parenta-parentaKu, ampattantuai angkana inai-nai tau anturuki latuli attallasaki. Nara'massi ke'nanga allo Pammari-marianga. Lanri kammana anjo sadiaMa' ero' ampabattui pangngalarroingKu mae ri ke'nanga anjoreng ri parang kassika siagang ambunoi ke'nanga.

YEHEZKIEL 20:13

Mingka anjoreng ri parang kassika angngewa tongi ke'nanga mae ri Nakke. Nadakkai ke'nanga parenta-parentaKu, siagang natollaki hukkung-hukkung ampattantuai angkanaya inai anturuki latuli attallasaki. Sanna' nara'massinna ke'nanga allo Pammari-marianga. Lanri kammana anjo, anjoreng ri parang kassika sadiaMa' ero' a'jallo' lanri larroKu mae ri ke'nanga siagang ampanraki ke'nanga.

PAOLE 6:24

Nasuroki' Karaeng Allata'alata anturuki siagang anggaukangi sikontu anjo parentaya kammayatompa mappakala'biri' mae ri Ia. Punna nigaukangi kammaya anjo, latuli Naparakai bansata sollanta tuli salewangang lalang tallasatta.

PANGNGEBARANG 19:16

Tau mannurukia ri sikamma parentaNa Allata'ala lasalamaki, tau tenaya naanggaraki lamatei.

ROMA 7:10

Jari anjo hukkung-hukkung agama nikanaya ri uru-uruna lassare katallassang, ba'lalo angngeranji kamateang mae ri kalengku.