LUKAS 1:66 - KITTA' MATANGKASA'

⁶⁶ Akkuta'nang ngasemmi lalang ri atinna sikontu tau allangngerekai anjo kabaraka angkana, “La'jari apai anjo anaka sallang?” Nasaba' nirurungangi ri Batara anjo anaka.

LUKAS 1:66 Referans Kwoze

LAMPA-LAMPANA 11:21

Niaki koasaNa Batara anrurungangi ke'nanga, sa'genna jaimi tau a'jari tappa', nanapassareang kalenna mae ri Batara.

LUKAS 2:51

Le'baki anjo, ammotere'mi ke'nanga siagang Isa mange ri Nazaret. Amminawang turu'mi Isa ri ke'nanga. Napariatimi amma'Na sikamma anjo passalaka.

LUKAS 2:19

Mingka napariatimi siagang nanawa-nawami Maria sikamma anjo passalaka.

PA'JARIANG 39:2

Nitulummi Yusuf ri Batara, sa'genna tuli a'jari baji' sikontu apa najamaya. Ammantammi ri balla'na karaenna, anjo tu Mesirka.

LUKAS 9:44

“Pilangngeri baji'-baji', siagang teako kaluppai anne kana-kanangKu: Lanipassareangi Ana' Ma'rupataua mae ri koasana rupataua.”

LUKAS 2:40

Pila' lompomi siagang pila' gassimmi anjo anaka. Sanna' cara'de'na siagang sanna' annabana, na sanna' nikarimangnginna ri Allata'ala.

LUKAS 1:80

Pila' lompomi anjo ana'na Zakharia. Pila' jarre'mi rohna. Ammantammi ri parang lompoa, sa'genna narapi' wattunna napa'nyata kalenna mae ri bansa Israel.

PAMMUJI 119:11

Kuboliki ri pa'maikku pangngajaratTa, sollanna tena kudoraka mae ri Katte.

PAMMUJI 89:21

Kubuntulu'mi Daud, atangKu, nampa Kulanti' siagang minynya'-minynya' upacara.

1 KARAENG-KARAENG 18:46

Anjo wattua anggappami Elia kagassingang battu ri Batara. Nalappa'mi nai' jubana nampa nasikko' ri aya'na nampa lari ampilumbai Ahab ri aganga sa'genna mange ri pakke'bu' lompona kota Yizreel.

1 SAMUEL 16:18

Nalangngere'na anjo, nia'mo kalase'renna atanna angkana, “Isai pandudu'na Betlehem, nia' sitau ana'na bura'ne cara'de' akkarena musi'. Ia tubarani, siagang se're tantara baji'. Nampa pole gammaraki nacara'de' a'bicara, siagang tuli nitulungi ri Batara.”

1 SAMUEL 2:18

Lalanna anjo wattua, anjo Samuel ana'-anaka ija nalayani turusmi Batara. Ammakemi baju attantu, iamintu battu ri kaeng lenang nipare', sangkamma baju passambayanna sikamma imanga.

PA'JARIANG 37:11

Sikamma daenna Yusuf angngiri mata ngasemmi. Mingka ia manggena, tuli nanawa-nawami anjo so'naya.

PAMMUJI 80:17

Le'ba'mi nata'bang siagang natunu musu; boli'mi kamma niancuru' ke'nanga ri kalarroanTa.

KOLOSE 1:5

Tappa' mako siagang mangngamaseang mako, nasaba' nurannuammi apa Napasadiaya Allata'ala ri suruga untu' ikau. Le'ba'mi nulangngere' anjo kabaraka, ri wattunna nipabattu Kabara' Baji' tojenga battua ri Allata'ala mae ri kau.