LUKAS 1:6 - KITTA' MATANGKASA'

⁶ Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

LUKAS 1:6 Referans Kwoze

PA'JARIANG 7:1

Nampa Nakanamo Batara mae ri Nuh, “Kuciniki angkanaya ikau mami bawang kale-kalennu tau anggaukangai erokKu. Jari, antama' mako ri anjo kappalaka siagang sikontu bija pammanakannu.

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

FILIPI 2:15

Lanri kammanami anjo nanupappicinikammo angkanaya ma'nassa ana'-ana'Nako Allata'ala tenaya callanna, lambusuka siagang annabaya batena attallasa' ri tangnga-tangngana tau ja'dalaka siagang dorakaya. Siagang ri wattunna nupabattu mae ri ke'nanga anjo biritta katallassanga, paralluko a'jari sanrapang singara' mae ri ke'nanga, ansioriai linoa. Punna kamma anjo batenu attallasa', nia'mo sallang alasangku langkalompoang pa'maikko, ri wattunna battu poleang ammotere' Isa Almasi. Iaminjo buttina angkanaya tena nasia-sia usahaku, passangalinna nia'ja wassele'na.

LAMPA-LAMPANA 24:16

Iaminjo saba'na natuli kuusahai baji'-baji', sollanna tangkasa' atingku mae ri Allata'ala siagang tangkasa' mae ri parangku rupatau.

1 KARAENG-KARAENG 9:4

Punna anynyombako ri Nakke situlusu'na pa'mai'nu siagang malambusu' pa'mai' sangkamma manggenu Daud, siagang nuturuki hukkung-hukkungKu kammayatompa parenta-parentaKu,

1 TESALONIKA 3:13

Lanri kammana, akkullemi Napakajarre' Batara pa'mai'nu, sa'gennu matangkasa' siagang tena callannu ri dallekanNa Allata'ala Manggeta, punna battu poleang sallang Batara Isa a'rurung siagang sikontu taunNa ngaseng.

AYUB 1:1

Ri butta Us, nia' sitau bura'ne ammantang, niareng Ayub. Anynyombai siagang majarreki tappa'na mae ri Allata'ala. Baji' akkalaki siagang tena na'gau' kodi manna sike'de'.

1 YOHANES 2:3

Punna mappilangngeriki' mae ri sikamma parentaNa Allata'ala, iaminjo a'jari pammatei angkanaya niassemmi Allata'ala.

2 PETRUS 3:14

Lanri kammana, sikamma sari'battangku sannaka kukarimangnginna; ilalang nutayanna anjo Allo labattua, attojeng-tojengko usaha untu' a'jari tangkasa' siagang tena callannu lalang ri katallassannu ri dallekanNa Allata'ala. Siagang katutui bajiki passisambungannu siagang Allata'ala.

AYUB 1:8

Nakanamo Batara, “Apaka nuparhatikangi atangKu Ayub? Ri sikontu linoa, tena tau sangkammanna baji' pa'mai' siagang majarre'na tappa'na. Anynyombai mae ri Nakke, siagang tena sikali na'gau' kodi.”

1 YOHANES 3:7

Sikamma ana'-anakku, teako passareangi kalennu nipasala oloang ri tau maraenga. Inai-nai anggaukangi ero'Na Allata'ala, iami ana'Na Allata'ala sangkamma todong Almasi Ana'Na Allata'ala.

1 YOHANES 2:29

Nuassemmi angkanaya mappilangngeri Almasi mae ri ero'Na Allata'ala lalang ri katallassanNa. Lanri kammana, musti nuasseng tongi angkanaya inai-nai mappilangngeri mae ri ero'Na Allata'ala lalang ri katallassanna, iami ana'Na Allata'ala.

KOLOSE 1:22

Mingka kamma-kamma anne, Napa'jari baji'mi ammotere' passisambungannu siagang KalenNa, lanri kamateanNa Ana'Na. Kammami anjo carana nukkulle nierang mange andallekang siagang malanynying, matangkasa' siagang tena callanu ri dallekanNa Allata'ala.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

1 KORINTUS 11:2

Siratangko kupuji nasaba' tuli nuu'rangia' siagang tuli nuta'gala' jarreki pappilajarang le'baka kupassareang mae ri kau.

LAMPA-LAMPANA 23:1

Najanjang tasse're-se'remi Paulus anjo anggota-anggotana pangadelang agamaya, nampa nakana, “Sikamma sari'battangku! Sa'genna anne alloa tena kukasia' ri pa'maikku angkanaya sala' mae ri Allata'ala ri katallassangku.”

PAMMUJI 119:6

Punna kuparhatikang sikontu parentaTa, tenamo kulanipakasiri'.

2 KARAENG-KARAENG 20:3

“O Batara, Kiu'rangi laloi angkanaya le'ba'mi kupare' ata kalengku mae ri Katte, majarreka' siagang tulusuki pa'maikku mae ri Katte. Tuli kuusahai anggaukangi apa Kikaerokia.” Nampa angngarru' Hizkia sanna' si'nana nasa'ring nyawana.

PA'JARIANG 6:9

Iaminne riwaya'na Nuh. Nia' ana'na tallu bura'ne, iamintu Sem, Yafet siagang Ham. Tena nagaukangi Nuh panggaukang salaya, siagang kale-kalenna bawang tau baji' ri anjo jammanga. Sibajiki sikali siagang Allata'ala lalang tallasa'na.

LUKAS 16:15

Mingka Nakanamo Isa ri ke'nanga, “Ikau ngaseng mintu bajika ngaseng nicini' ri dallekanna tau maraenga, mingka Naassengi Allata'ala bonena atinnu. Nasaba' apa nacini' tinggia rupataua iami Nacini' tuna Allata'ala.

PAOLE 5:33

Gaukangi sikontu Napassuroanga Karaeng Allata'alanu mae ri kau, sollannu salewangang siagang akkulle ammantang tuli ri pa'rasangang lanupammantangia.”

1 KARAENG-KARAENG 15:5

Kammaminjo Nagaukang Batara lanri nipakasannangi atinNa ri Daud. Tena nale'ba' Daud ambalang parekangi parenta-parentaNa Batara, pantaranganna ri parkarana Uria, anjo tau battua ri Het.

LUKAS 1:7

Tena ana'na ke'nanga, nasaba' takkulleai ammana' Elisabet. Nampa toa rua-ruamo ke'nanga.

LUKAS 2:25

Anjo wattua nia' ri Yerusalem sitau niareng Simeon. Ia tau baji', na malla' ri Allata'ala. Na tayang-tayammi wattunna nabattu Allata'ala ampasalamaki umma' Israel. Antama'mi RohNa Allata'ala ri kalenna.

LAMPA-LAMPANA 2:25

Ri passala'na anne Isa, le'baki Daud akkana kamma anne, ‘Kuciniki Batara tuli nia' ri dallekangku; Narurunganga' ri sa'ringku, sollangku tanipakamallaka ri apa-apa mamo.

LAMPA-LAMPANA 8:21

Tena ha'nu kau lamminawang lalang ri jama-jamanna ikambe, nasaba' talambusai atinnu mae ri Allata'ala.

ROMA 8:4

Kammaminjo Nagaukang Allata'ala, sollanna akkulle nigaukang anjo apa-apa Nakaerokia lalang ri hukkung-hukkung agama Yahudia, lalang ri batangkalenta ikatte tau mannurukia mae ri RohNa Allata'ala, jari teai mannurukia mae ri sipa'-sipa' ma'rupatauta.

2 PATTOTTORANG 17:4

passangalinna anynyombai mae ri Allata'ala. Mannuruki mae ri parenta-parentaNa Allata'ala, siagang tena nakamma karaeng-karaeng Israel batena attallasa'.