LUKAS 1:46 - KITTA' MATANGKASA'

⁴⁶ Nakanamo Maria, “Mammuji atingku ri Batara,

LUKAS 1:46 Referans Kwoze

PAMMUJI 35:9

Kumakkio' ma'rannu-rannu lanri Batara, rannui pa'maikku lanri Ia ampasalamakka'.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

1 KORINTUS 1:31

Jari, sangkamma tattulisika lalang ri Kittaka, “Inai-nai ero' ampakalompoi pa'mai'na, musti napakalompoi pa'mai'na lanri apa-apa Nagaukanga Batara.”

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!

ROMA 5:11

Ba'lalo la'biangampa pole, marannu tommi pa'maitta lanri kabajikanNa Allata'ala tete ri Batarata Isa Almasi. Nasaba' mannete ri Isa Almasi nanikasia'mo anjo passisambungang bajika siagang Allata'ala.

YESAYA 45:25

Mingka turunganna Yakub lanipasalamaki, na lamammuji ke'nanga ri Nakke, Bataraya.

1 PETRUS 1:8

Mangngamaseangko ri Ia, manna pole tanucinika riolo. Siagang tappakko ri Ia manna pole tanucinika kamma-kamma anne. Iaminjo saba'na nanurannu, siagang nanukasia' karannuang mala'birika siagang sukkaraka nicarita.

FILIPI 3:3

Na sitojenna ikattemi anne le'bakamo anggappai nikanaya sunna' tojeng-tojenga; teai ke'nanga. Ikattemi anynyomba mae ri Allata'ala lanri KalenNa RohNa Allata'ala angnguluki'; siagang appala' sukkuru' maki' lanri asse're maki' siagang Isa Almasi lalang ri tallasatta. Tena katte nitanjeng mae ri sikamma pangngadakkang nacinika mata.

2 KORINTUS 2:14

Mingka appala' sukkurukki' mae ri Allata'ala! Lanri Iami tuli ampimpingi ikambe amminawang lalang ri barrisi' passua'-suarrang pammetanNa Almasi lanri asse'rena ikambe mae ri Ia. Nipakemi ikambe ri Allata'ala ampa'la'bangi biritta ri passala'na Almasi, sanrapang bau' a'la'banga rasanna ri kere-keremae.

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.