LUKAS 1:20 - KITTA' MATANGKASA'

²⁰ Anne apa kupaua, ma'nassa la'rupai punna narapi'mo wattunna. Mingka lanri tenana nutappa', la'jari pepe mako; na iapa nukkulle a'bicara ammotere', punna a'rupamo anne apa kupauangangko.”

LUKAS 1:20 Referans Kwoze

YEHEZKIEL 3:26

LaKupa'jari ka'doroki lilanu sa'genna takkulleako ampakaingaki anne bansa nangaia angngewa.

YEHEZKIEL 24:27

Ri ia todong anjo alloa lakkulleko a'bicara ammotere' siagang tenamo nupepe. Nampa la'bicara mako siagang anjo taua. Kammami anjo naikau la'jari pammatei mae ri ke'nanga; nampa naassemmo ke'nanga angkanaya iNakkemi Batara.”

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

LUKAS 1:22

Na ri wattunna assulu'mo Zakharia, takkulleami a'bicara ri ke'nanga. Limanna mami tuli napagio' punna ero' a'bicara, nasaba' a'jari pepemi. Jari naassemmi taua angkana nia'mo apa-apa nacini' lalang ri Balla'Na Batara.

TITUS 1:2

situru' panrannuanga mae ri katallassang sitojennaya siagang mannannunganga. Le'ba'mi Napa'janjiang Allata'ala anjo katallassanga ri wattu tenanapa nanipa'jari anne linoa; natena olona la'balle-balle Allata'ala.

2 TIMOTIUS 2:13

Punna tamajarrekaki' Ia tuli majarreki, nasaba' takkulleai assisala siagang KalenNa.”

LUKAS 1:45

Mate'ne mako, lanri tappa'nu angkanaya lakajariangi ri kalennu anjo Napabattua Batara ri kau!”

MARKUS 16:14

Kala'busanna Napappicikammi KalenNa Isa mae ri sampuloa asse're ana' gurunNa, sitabanna angnganre ke'nanga. Napakainga'mi ke'nanga lanri kurang tappa'na ke'nanga, siagang lanri sukkara'na tappa' ke'nanga mae ri tau le'baka anciniki angkanaya le'ba'mi attallasa' poleang Isa.

MARKUS 9:19

Nakanamo Isa ri ke'nanga, “Teai ngasengko sipato' anne! Tau tena ngaseng tojeng tappa'nu. Siapapi salloKu lammantang anrurungangko siagang lasa'bara' ri kau ngaseng? Erangi mae antu anaka!”

YESAYA 7:9

Anjo Israel tena nakassakkangngang na Samaria, iamintu ibukotana, kammayatompa anjo Samaria tena nakassakkangngang na Karaeng Pekah. Punna tena nuttojeng-tojeng tappa' mae ri Nakke, mattantu tena nukkulle lattahang.”

2 KARAENG-KARAENG 7:19

Na anjo wattua angkanami anjo pambantuna karaenga, “Kemae lakkulle! Tena nantama ri akkala' anjo kammaya, manna pole Nappaturung bosi lompo Batara battu ri langika ri kamma-kammaya anne!” Nampa nipiali ri Elisa angkana, “Sinampe' nanuciniki kajariang anjo passalaka, mingka ikau tena nalanukasia' manna sike'de' anjo kanrea.”

2 KARAENG-KARAENG 7:2

Appialimi pambantuna karaenga angkana, “Kemae lakkulle! Tena nantama ri akkala' anjo kammaya, manna pole Nappaturung bosi lompo Batara battu ri langika ri kamma-kammaya anne!” Appialimi Elisa angkana, “Sinampe' nanuciniki kajariang anjo passalaka, mingka ikau tena nalanukasia' manna sike'de' anjo kanrea.”

PAMMILANGNGANG 20:12

Mingka nikalarroimi Musa siagang Harun ri Batara, angkana, “Lanri kurang tappa'nu sipa'rua mae ri Nakke untu' ampa'nyatai kakoasangKu matangkasaka ri dallekanna bansa Israel, tena nalanupimping ke'nanga antama' ri pa'rasangang Kupa'janjianga mae ri ke'nanga.”

KALAPPASSANG 4:11

Nakanamo Batara mae ri ia, “Inaika assarei bawa rupataua? Inai ampa'jari pepei siagang ampa'jari tongoloki? Inai assarei paccini' siagang ampa'jari butai? Teaika iNakke, Bataraya?

ROMA 3:3

Mingka antekamma punna nia' sitangnga tu Yahudi tena namajarre'? Maka iaminjo passabakkang nala'jari talajarrekamo Allata'ala?

DANIEL 10:15

Ri wattunna napau anjo kammaya, a'dunduma' siagang takkullea' akkana.

LUKAS 1:19

Appialimi malaekaka angkana, “Inakke minne malaeka' Gabriel. Inakke palayanNa Allata'ala, na Iami assuroa' ampabattui anne kabara' bajika mae ri kau.

LUKAS 1:21

Anjo wattua, nitayammi passulu'na Zakharia ri taua. Lannasaki ke'nanga, apa saba'na nasallo kamma Zakharia lalang ri Balla'Na Batara.

LUKAS 1:64

Na anjo wattua akkullemi a'bicara pole Zakharia siagang ammuji-muji ri Allata'ala.