LUKAS 1:11 - KITTA' MATANGKASA'

¹¹ Anjo wattua battumi malaeka'Na Allata'ala ampappicinikangi kalenna mae ri Zakharia. Ammentemmi anjo malaekaka ri sa'ri kananna mejang pa'dongkokanna kamanynyang nitunua.

LUKAS 1:11 Referans Kwoze

HAKING-HAKING 13:3

Mingka ri se'reang allo nia'mo malaeka'Na Batara ampappicinikangi kalenna mae ri ia. Nakanamo anjo malaekaka ri ia, “Anne siapaya sallona tena nukkulle anggappa ana'. Mingka tenamo nasallo nulatianang, nunggappa sitau ana' bura'ne.

PAPPICINI' 9:13

Nampa napasa'ra tarompe'na malaeka' makaannanga. Nia'mo kulangngere' sa'ra battu ri appaka panyingkulu'na anjo tampa' pakkoro'bangngang bulaenga nipare' niaka ri dallekanNa Allata'ala.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

LAMPA-LAMPANA 5:19

Mingka ri wattu lantanna bangngia, battumi malaeka'Na Batara assungke ngasengi pakke'bu'na anjo tarungkua, nampa naerang anjo sikamma tunisuroNa Allata'ala assulu'. Nakanamo anjo malaekaka mae ri sikamma anjo tunisuroNa Allata'ala.

LUKAS 2:10

Mingka nakanamo anjo malaekaka, “Teako mallakki! Nasaba' kabara' baji' anne battu kupabattuangko; kabara' sannaka lanakarannuanna sikontu rupataua.

LUKAS 1:28

Battumi anjo malaekaka mae ri Maria na nakana, “Salamakko, ikau tu nibarakkakia ri Batara! Poro nirurungangko ri Batara!”

LUKAS 1:19

Appialimi malaekaka angkana, “Inakke minne malaeka' Gabriel. Inakke palayanNa Allata'ala, na Iami assuroa' ampabattui anne kabara' bajika mae ri kau.

HAKING-HAKING 13:9

Napilangngerimi Allata'ala pappala'na Manoah. Battumi pole anjo malaeka'Na Batara mae ri bainenna Manoah, ri wattu sitabanna ammempo-mempo ri kokoa. Anjo wattua tenai bura'nenna anjoreng.

KAIMANGNGANG 16:13

Anjo dupaya musti natunui ri dallekanna Patti Parjanjianga, sa'genna natongko' anjo pa'rangka'na Patti Parjanjianga siagang umbunna siagang takkullea nacini' Harun, nasaba' punna naciniki, tena tamatena.

LUKAS 2:9

Ti'ring nia' mami battu malaeka'Na Batara ampappicinikangi kalenna ri ke'nanga; tassioro'mi caya kala'biranNa Batara mae ri ke'nanga. Na teaimi sipato' malla'na ke'nanga.