LAMPA-LAMPANA 8:9 - KITTA' MATANGKASA'

⁹ Anjoreng ri Samaria nia' se're tau bura'ne niareng Simon. Sallomi napakalanna'-lannasa' taua ri Samaria lanri jaina pangngissenganna. Nacaritami kalenna mae ri taua angkanaya ia tau sannaki porena.

LAMPA-LAMPANA 8:9 Referans Kwoze

LAMPA-LAMPANA 13:6

Najappai ngasemmi ke'nanga anjo puloa, sa'genna battu mange ri Pafos. Anjoreng assibuntulu'mi ke'nanga siagang se're tu Yahudi, niarenga Bar Yesus. Jama-jamanna iamintu pabale'-bale' mata, na nakana kalenna na'bi.

LAMPA-LAMPANA 5:36

Nasaba' riolo le'baki nia' tau niarenga Teudas, nakanaya kalenna tumalompo, sa'genna kira-kira nia' patambilangngang tau amminawang ri ia. Mingka mate nibunomi, siagang tassia'-siara'mi sikamma tau amminawanga ri ia, sa'genna lanynya' kale-kale anjo kumpulanna.

YOHANES 7:18

Inai-nai assare pangngajarang battu ri kalenna, anjo tau kammaya kala'birang untu' kalenna naboya. Mingka inai a'boya kala'birang untu' Ia anjo assuroai, anjo tau kammaya tau lambusu', tena balle-balle lalang ri kalenna.

KAIMANGNGANG 20:6

Tau a'lampaya appala' tulung mae ri sanro appareka passisambungang siagang roh-roh tau matea, laKuhukkungi siagang tenamo nalaKubilang anggota ummakKu.

LAMPA-LAMPANA 8:11

Sallo sikalimi napakalanna'-lannasa' taua lanri pangngissengang baca-bacana. Sa'genna sanna'mi niparhatikanna ri taua.

KALAPPASSANG 7:22

Mingka nagaukang tommi kammaya anjo sikamma tucara'de'na tu Mesir, iamintu napakei pangngissenganna ke'nanga. Jari tuli kapala batuna karaenga. Kamma le'baka Napau Batara, taerokai karaenga ampilangngeri Musa siagang Harun.

KALAPPASSANG 7:11

Lanri kammana nasuro kio' tommi karaenga sikamma taunna niaka pangngissenganna siagang cara'deka a'bale'-bale' mata, nampa nagaukang todong kammaya siagang pangngissenganna ke'nanga.

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

2 TIMOTIUS 3:5

Manna namannuruki lahere'na ke'nanga nicini' anggaukangi napassuroanga agamaya, mingka sikontutojenna tanatarimayai ke'nanga kakoasanna anjo agamaya. Pakabellai kalennu battu ri tau kammaya anjo.

2 TIMOTIUS 3:2

Massing kaparalluang kalenna mami lanaondang rupataua; massing angngondang dudui doe', tampoi siagang nangai a'bicara kosonga. Nangai ke'nanga nahina taua, naewai tau toana, tangngassengai appala' sukkuru', siagang nakabirisi nikanaya katallassang rohani.

2 TESALONIKA 2:4

Lalang katampoanna nalanaewa siagang lanapakatinggi kalenna irateanganna sikamma nasombaya rupataua, yareka sikamma apa nakanaya rewata rupataua. Ba'lalo lammempoi lalang ri Balla'Na Allata'ala, nampa nakana kalenna iami Allata'ala.

KALAPPASSANG 9:11

Sikamma tau niaka pangngissenganna ri anjo tu Mesirka tena ngaseng nakkulle mange andallekang ri Musa lanri rassi ngasengi kalenna ke'nanga siagang lattang sangkamma tu Mesir maraenganga.

LAMPA-LAMPANA 13:8

Mingka nihalangimi Barnabas siagang Saulus ri Elimas, anjo pabale'-bale' mataya. Nasaba' najagai Elimas (iaminjo arenna anjo pabale'-bale' mataya lalang bicara Yunani) gassingka a'jari tappaki anjo Guburnurka mae ri Isa.