LAMPA-LAMPANA 8:5 - KITTA' MATANGKASA'

⁵ A'lampami Filipus mange ri kota Samaria na napabattu passala'na anjo Karaeng Mappasalama' Napa'janjianga Allata'ala, mae ri tau niaka anjoreng ri Samaria.

LAMPA-LAMPANA 8:5 Referans Kwoze

LAMPA-LAMPANA 6:5

Assamaturu' ngasemmi ke'nanga ri anjo apa napaua anjo sikamma tunisuroNa Allata'ala. Napileimi ke'nanga tuniarenga Stefanus, sannaka tappa'na ri Isa, siagang nikoasaia ri RohNa Allata'ala. Maraengannaya nipile tommi: Filipus, Prokhorus, Nikanor, Timon, Parmenas, siagang Nikolaus battua ri Antiokhia. Anne Nikolaus teai tu Yahudi, mingka antama'mi agama Yahudi.

LAMPA-LAMPANA 21:8

Ammukona a'lampa maki' pole, nakibattumo mange ri Kaisarea. Anjoreng, mange maki' ri se'reang pabiritta Kabara' Baji' niarenga Filipus. Ammantang maki' ri balla'na. Anne Filipus, iami kalase'renna anjo tau tujua le'baka nipile ri Yerusalem.

LAMPA-LAMPANA 8:40

Ti'ring nia'mi Filipus ri Asdod. Na ri wattunna napatulusu' pa'lampanna napabattumi Kabara' Bajika ri passala'na Isa, ri sikamma kota-kotaya sa'genna battu mange ri Kaisarea.

1 KORINTUS 3:11

Nasaba' le'ba'mi Napattantu Allata'ala angkanaya tena ruanna Isa Almasi akkulle a'jari sanrapang pondasina anjo bangunanga.

1 KORINTUS 1:23

Mingka ikatte anne iaji bawang nibirittakang iamintu biritta ri passala'na Isa Almasi le'baka mate ri kayu sallika. Anjo birittaya napakanassui pa'mai'na tu Yahudia, siagang nicini' a'balle-ballei ri bansa-bansa maraenga. Na bansa maraenga nakanai kadongokang anjo kammaya.

LAMPA-LAMPANA 5:42

Na allo-allonamo angngajara' ke'nanga ri Balla'Na Batara siagang ri balla'na ngaseng taua. Tuli napabattumi ke'nanga Kabara' Bajika lalang arenNa Isa, angkanaya Iami anjo Karaeng Mappasalama' le'baka nipa'janjiang.

1 KORINTUS 2:2

Nasaba' le'ba'mi kupakkalepu ri atingku angkanaya ilalang niakku ri tangnga-tangnganu ngaseng, tena maraeng apa-apa lakupabattu mae ri kau, pantaranganna passala'na Isa Almasi; marioloangannaya iamintu angkanaya le'ba'mi mate ri kayu sallika.

LAMPA-LAMPANA 9:20

A'lampami mange ri sikamma balla' sambayanga, nappakkaramulamo ampabattui angkanaya, iaminjo Isa Ana'Na Allata'ala.

LAMPA-LAMPANA 8:1

Na sannang todong nyawana Saulus ri nibunonamo Stefanus. Iatommi anjo alloa nappakkaramulamo niondang mange-mange jama'aka ri Yerusalem. Sa'genna tassia'-siara'mo sikamma tau tappaka ri sikontu daera Yudea siagang Samaria. TunisuroNa mami Allata'ala tena natassia'-siara'.

LAMPA-LAMPANA 1:8

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”

LAMPA-LAMPANA 8:6

Ri wattunna nalangngere' taua a'bicara Filipus, siagang nacini' gau'-gau' appakalannasa' nagaukanga, jaimi ke'nanga amparhatikangi anjo apa napaua Filipus.

LAMPA-LAMPANA 8:26

Nia'mo sitau malaeka' battu mae ri Filipus angkana, “A'lampako linta'! A'lampako timboro', ri agang battua ri Yerusalem mange ri Gaza.” Anjo aganga sinoi.

LAMPA-LAMPANA 8:30

Mangemi Filipus a'reppese' ri anjo karetaya, nanalangngere'mo anjo taua ammaca Kitta' Yesaya. Akkuta'nammi Filipus ri anjo taua nakana, “Maka kipahanji battuanna anjo apa kibacaya?”