LAMPA-LAMPANA 8:4 - KITTA' MATANGKASA'

⁴ Sikamma anjo tau tappa' tassiaraka, massing napabattumi anjo Kabara' Baji' battua ri Allata'ala ri kere-keremae.

LAMPA-LAMPANA 8:4 Referans Kwoze

LAMPA-LAMPANA 11:19

Ri le'ba'namo Stefanus nibuno, appakkaramulami niondang mange-mange tau tappaka ri Isa, sa'genna tassia'-siara'mo ke'nanga ri kere-keremae. Nia' lari mange ri Fenisia, nia' todong mange ri Siprus siagang Antiokhia. Napabattumi ke'nanga kabara' battua ri Allata'ala. Mingka tu Yahudiaji bawang napabattuang ke'nanga.

LAMPA-LAMPANA 8:1

Na sannang todong nyawana Saulus ri nibunonamo Stefanus. Iatommi anjo alloa nappakkaramulamo niondang mange-mange jama'aka ri Yerusalem. Sa'genna tassia'-siara'mo sikamma tau tappaka ri sikontu daera Yudea siagang Samaria. TunisuroNa mami Allata'ala tena natassia'-siara'.

MATIUS 10:23

Punna nisessako ri se'reang kota, lariko mange ri kota maraenga. Kupauangko angkanaya: Tanula'bangapi numangei sikontu kota-kotaya ri Israel, nania'mo battu poleang Ana' Ma'rupataua.

1 TESALONIKA 2:2

Nuassengi angkanaya ri tenanapa nabattu ikambe mange ri kau ngaseng ri Tesalonika, le'ba'mi ikambe nisessa siagang nihina ri Filipi. Mingka manna najai tau ammusui ikambe, le'ba'mi nisare kabaraniang ikambe ri Allata'alata untu' ambirittakangi mae ri kau ngaseng Kabara' Baji' battua ri Ia.

LAMPA-LAMPANA 15:35

Ammantang tongi Paulus siagang Barnabas siapa are sallona ri Antiokhia. Angngajara'mi siagang napabattui ke'nanga kana-kananNa Batara anjoreng. Jai tau maraeng naagang ke'nanga angngajara' ampabattui kana-kananNa Batara.

LUKAS 1:2

Sikamma apa le'baka nicarita mae ri katte, battu ri tau le'baka anciniki anjo kajarianga battu ri pakkaramulanna, yangaseng minjo natulisi' ke'nanga, nampa napa'la'bang kabara'na.

LAMPA-LAMPANA 8:12

Mingka napabattumi Filipus mae ri ke'nanga ri passala' antekamma bateNa Allata'ala lampaentengi PamarentahanNa, siagang passala'na Isa Almasi, Karaeng Mappasalamaka. Tappa'mi ke'nanga mae ri anjo kabara' Baji' napabattua Filipus. Nije'ne'mi ke'nanga, bura'ne-baine.