LAMPA-LAMPANA 8:1 - KITTA' MATANGKASA'

¹ Na sannang todong nyawana Saulus ri nibunonamo Stefanus. Iatommi anjo alloa nappakkaramulamo niondang mange-mange jama'aka ri Yerusalem. Sa'genna tassia'-siara'mo sikamma tau tappaka ri sikontu daera Yudea siagang Samaria. TunisuroNa mami Allata'ala tena natassia'-siara'.

LAMPA-LAMPANA 8:1 Referans Kwoze

LAMPA-LAMPANA 22:20

Kammayatompa ri wattunna nibuno anjo sa'binTa Stefanus, nia' tonga' anjoreng siagang kusitujui tongi nanibuno. Ba'lalo inakkemi anjagai pakeanna sikamma tau ambunoai.’

LAMPA-LAMPANA 7:58

Nare'resammi ke'nanga Stefanus assulu' battu ri kotaya nampa namanang-manangngi nasambila batu. Naboli'mi pakeanna anjo tau ancinikai anjo apa kajarianga mae ri se'rea tu rungka niarenga Saulus.

LAMPA-LAMPANA 5:40

Jari nikio'mi anjo sikamma tunisuroNa Allata'ala. Nicambo'mi nampa nipisangkai pole ke'nanga angngajara' lalang arenNa Isa. Le'baki anjo, nampami nilappassang ke'nanga.

LAMPA-LAMPANA 5:33

Ri wattu nalangngere'na anggota-anggotana anjo Pangadelang Agamaya anjo apa napaua tunisuroNa Allata'ala, teaimi sipato' larrona ngaseng ke'nanga. Sa'genna assama turu' ngasemmi ke'nanga ero' ambunoi anjo sikammaya tunisuroNa Allata'ala.

LAMPA-LAMPANA 1:8

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”

LAMPA-LAMPANA 8:14

Nalangngere'mi sikamma tunisuroNa Allata'ala ri Yerusalem angkanaya natarimami taua ri Samaria kananNa Allata'ala. Jari nasuromi ke'nanga Petrus siagang Yohanes mange anjoreng.

LAMPA-LAMPANA 9:31

A'jari sannammi sikontu jama'aka ri Yudea, Galilea, siagang Samaria. Na lanri malla'na ri Batara siagang pannulunNa RohNa Allata'ala, pila' jarre'mi siagang pila' katambammi jaina ke'nanga.

LAMPA-LAMPANA 8:4

Sikamma anjo tau tappa' tassiaraka, massing napabattumi anjo Kabara' Baji' battua ri Allata'ala ri kere-keremae.

YOHANES 15:20

U'rangi apa le'baka Kupau mae ri kau, angkanaya, ‘Tena nalompoangang se'rea ata na karaenna.’ Punna iNakke nasessaMa' ke'nanga, lanasessa ngaseng tommako ke'nanga. Punna naturuki ke'nanga ajarangKu, lanaturuki tongi ke'nanga ajarannu.

IBRANI 11:27

Lanri tappa'na, natamallakamo Musa ri pangngalarroinna karaenga nanabokoi butta Mesir. A'lampami Musa mange ri tampa' lanatujua sangkamma le'ba' angkanaya le'ba'mi nacini' anjo Allata'ala tenaya nakacinikang.

FILIPI 1:12

Kukellai nuasseng ngaseng, angkanaya passabakkang iaminne apa-apa kajariang mae ri kalengku, napila' jaimo tau allangngereki siagang ampatappaki Kabara' Bajika.

LAMPA-LAMPANA 13:1

Ri jamaah Antiokhia nia' siapa are na'bi siagang guru. Areng-arenna ke'nanga iamintu: Barnabas, Simeon nigallaraka I Le'leng, Lukius battua ri Kirene, Menahem siaganga Herodes niparakai sa'genna lompo, siagang Saulus.

LAMPA-LAMPANA 7:38

Musa tommi niaka ri tangnga-tangngana bansa Israel ri parang kassika, a'jaria tetena malaeka' naaganga a'bicara ri Bulu' Sinai siagang boe-boeta. Iami antarimayai battu ri Allata'ala kabara' katallassanga eroka nipabattu mae ri katte.

LAMPA-LAMPANA 5:20

“A'lampako mange ammenteng ri Balla'Na Batara siagang pauang ngasemmi taua passala'na anne katallassang berua.”

LAMPA-LAMPANA 5:18

Nijakkala'mi anjo sikamma tunisuroNa Allata'ala nampa nipantama' ri tarungku lompoa.

LAMPA-LAMPANA 2:47

Siagang tuli mammuji-muji ke'nanga ri Allata'ala, na ningai ngaseng ri tau jaia. Pila' mange allo pila' katambangi jaina ke'nanga, lanri pila' Natambai Allata'ala tau nipasalamaka mae ri ke'nanga.

YOHANES 16:2

Lanipasulukko sallang battu ri balla' sambayanga. Nalanarapiki sallang wattunna nania' tau nakana kalenna a'gau' amala' ri Allata'ala punna nabunoko.

MATIUS 23:34

Pilangngerimi baji'-baji': LaKusuroi battu ri kau na'bi-na'bia, tu cara'deka, siagang guru-gurua; na nia'mo ri ke'nanga nubuno, nia' tommo nusalli'. Nia' nusessa lalang ri balla' sambayanga, na nia' tommo nuondang mange-mange ri kota-kotaya.

MATIUS 22:6

ba'lalo nia' tommo anjakkalaki anjo pala'-palayanna nasuroa Karaenga, naallei naba'ji, nampa nabuno.

MATIUS 5:13

“Ikau ngasemmi rapang ce'lana anne linoa. Punna la'bamo ce'laya, maka lakkulleiji nipa'jari ce'la poleang? Ma'nassa tenamo matu-matunna, passangalinna nipela' mami na nionjo'-onjokang ri taua.

DANIEL 6:23

Allata'alana atanta Nasuroi battu malaeka'Na untu' antongkoki bawana anjo singa-singaya sa'genna tena naapa-apai atanta. Allata'ala ampasalamaki atanta nasaba' Naassengi angkanaya tena kasalang nagaukang atanta mae ri Ia siagang mae ri katte karaeng.”

DANIEL 6:10

Jari natekemmi Karaeng Darius anjo sura' parentaya.

NEHEMIA 6:3

Jari kubalasa'mi undanganna ke'nanga angkana, “Takkullea' battu saba' nia' jama-jamangku parallu. Tanjariai anjo jama-jamanga punna kubokoi untu' angngagangko sicini'.”

LAMPA-LAMPANA 7:54

Kamma nalangngere'na anggota-anggota sidang Pangadelang Agamaya sikamma anjo napaua Stefanus, pa'risi' sikalimi nyawana ke'nanga siagang sanna' ngasemmi larrona mae ri Stefanus.

LAMPA-LAMPANA 8:2

Mangemi sikamma tau mallaka ri Allata'ala antarawangi maya'na Stefanus. Nakarrukimi ke'nanga Stefanus. Sanna' ngaseng si'nana atinna ke'nanga.

LAMPA-LAMPANA 8:5

A'lampami Filipus mange ri kota Samaria na napabattu passala'na anjo Karaeng Mappasalama' Napa'janjianga Allata'ala, mae ri tau niaka anjoreng ri Samaria.

LAMPA-LAMPANA 13:36

Matemi Daud ri le'ba'namo nagaukang apa-apa Napassuroanga Allata'ala ri ia. Le'ba'mi nitarawang siagang boe-boena. Anjo maya'na Daud ancuru' tommi a'jari butta ngaseng.

LAMPA-LAMPANA 26:10

Na memang iaminjo le'baka kugaukang ri Yerusalem. Lanri sura' koasa battu ri imang-imang kapalaya, jai sikalimi tau jarre' tappa'na ri Allata'ala le'ba' kupantama' ri tarungkua. Ba'lalo, kusitujui tongi sollanna nihukkung mate ke'nanga.

ROMA 1:32

Naassenji ke'nanga angkanaya siratangi nihukkung mate situru' hukkunNa Allata'ala tau a'gau' kammaya ngaseng anjo. Mingka manna nakamma nagaukang tonji ke'nanga panggaukang-panggaukang kammaya; ba'lalo nasitujui tongi ke'nanga a'gau' kamma todong tau maraenga.