LAMPA-LAMPANA 5:3 - KITTA' MATANGKASA'

³ Nakanamo Petrus, “Ananias, angngapa nanupassareang atinnu nakoasai Billisika, sa'gennu a'balle-balle ri RohNa Allata'ala? Iamintu nuboli' cokko-cokkoi untu' kalennu tawaruanna doe' ballinna anjo tanaya?

LAMPA-LAMPANA 5:3 Referans Kwoze

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

YESAYA 29:15

Cilakai tau eroka ancokkoi rancanana battu ri Batara! Appanggaukang cokko-cokkoi ke'nanga, nampa nakapang angkana tena manna sitau anciniki yareka angngassengi apa nagaukang ke'nanga.

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

LAMPA-LAMPANA 5:9

Nakanamo Petrus ri ia, “Angngapa nusikongkolo' siagang bura'nennu ero' ancobai RohNa Batara? Pilangngerimi! Ammotere'mi tau mangea antarawangi bura'nennu. Lanaerang tongko ke'nanga assulu'.”

YOHANES 13:27

Tasalloai le'ba'na natarima Yudas anjo rotia, antama'mi Billisika ri atinna. Nakanamo Isa ri ia, “Gaukammi linta' apa eroka nugaukang.”

YOHANES 13:2

Angnganre bangngi Isa siagang ana'-ana' gurunNa. Antama'mi Billisika ri atinna siagang cinnana Yudas, ana'na Simon Iskariot, sa'genna ero'mi Yudas ambalukangi Isa.

YAKOBUS 4:7

Lanri kammana, tundu' mako mae ri Allata'ala, siagang ewai Billisika, sollanna lari Billisika battu ri kau.

KATO'BA 5:4

Bajikangngangi tenaya ni'janji, kala a'janjia na tanirupaia.

AYUB 22:13

Mingka akkuta'nangko angkana, ‘Apa todong Naasseng? Ia niaki irateanna rammanga, takkulleai angngadeliki'.’

LAMPA-LAMPANA 5:4

Anjo tanaya ikau pata ri wattunna tenapa nubalukangi. Na ri wattunna le'ba' nubalukang anjo tanaya, anjo doe' ballinnaya, ikau tonji pole pata. Jari angngapa nania' lalang ri atinnu ero' appanggaukang kammaya anjo? Teai rupataua nuballe-ballei, mingka Allata'ala!”

LAMPA-LAMPANA 5:2

Anjo doe' ballinna anjo tanaya, naboliki tawaruanna untu' kalenna ke'nanga, nampa tawaruanna maraenga napassareang mae ri tunisuroNa Allata'ala. Anne apa nagaukanga naasseng tongi bainenna.

LUKAS 22:3

Antama'mi Billisika ri kalenna Yudas Iskariot, iamintu kalase'renna anjo sampuloa anrua ana' gurunNa Isa.

PAOLE 23:21

Punna nia' apa-apa nupa'janjiang mae ri Karaeng Allata'alanu, teako pamono'-monoki untu' anrupai anjo janjinnu, lanri tuli Natuntu'na Karaeng Allata'alanu ri kau, siagang dorakako punna tena nanurupai.

PAMMILANGNGANG 30:2

Punna nia' tu bura'ne attinja' yareka appau janji siagang sumpa mae ri Batara, sa'genna nasikko' kalenna siagang se'reang janji, musti narupai anjo apa napa'janjianga, siagang takkulleai tanarupai anjo kananna.

MATIUS 13:19

Anjo bine takkioroka ri aganga, iaminjo a'jari pangngebarang mae ri tau allangngerekami ri passala' antekamma bateNa Allata'ala ammarenta, mingka tanapahangai anjo kabaraka. Battui kaja'dallanga angngalleangi anjo apa le'baka nipakioro' ri atinna ke'nanga.

PANGNGEBARANG 20:25

Pikkiri' baji'-bajiki ri tenanapa nu'janji lassare koro'bang mae ri Batara. Gassingka assesse' lalang jako ri boko.